YSTAMBULDAǴY AIIa-SOFIIa MEShITINE KIRÝ AQYLY BOLMAQ
2024 jyldyń 15 qańtarynan bastap Ystambuldaǵy Aııa-Sofııa meshiti sheteldik týrıster úshin aqyly bolady, - dep habarlaıdy Tengritravel.kz tilshisi Daily Sabah portalyna silteme jasap.
Túrkııanyń mádenıet jáne týrızm mınıstri Mehmet Nýrı Ersoı 15 qańtardan bastap sheteldikter meshitke kirý úshin bılet satyp alatynyn málimdedi. Túrkııa azamattary úshin kirý tegin. Ázirge bılet quny aıtylmady.
Ersoıdyń aıtýynsha, mundaı sheshim IýNESKO usynysy negizinde qabyldanǵan. Osyǵan deıin uıym jergilikti bılikke tarıhı murany saqtaý jáne basqarý boıynsha jospar ázirleýdi tapsyrǵan. Mundaı sharanyń áserinen, kelýshiler sany azaıyp, ǵımarattyń saqtalýyna septigin tıgizedi eken.
Aıta keteıik, Áýlıe Sofııa soboryn Iýstınıan I 537 jyly salǵan. 1453 jyly osmandyqtar Konstantınopaldy basyp alǵannan keıin hram meshitke aınaldy. 1935 jyly Mustafa Kemal Atatúriktiń jarlyǵymen Áýlıe Sofııa sobory mýzeıge aınalyp, búkilálemdik mádenıe mura tizimine endi. Alaıda 2020 jyly Túrkııanyń memlekkettik keńesi ǵımaratqa meshit statýsyn qaıta berdi.
