«Zeket» qory men Dýbaı ámirligi departamenti arasynda tájirıbe almasý semınary ótti

Búgin Astana qalasyndaǵy respýblıkalyq «Áziret Sultan» meshitinde QMDB tóraǵasy, Bas múftı Serikbaı qajy Orazdyń bastamasymen respýblıkalyq «Zeket» jáne «Ýaqyp» qorlarynyń Dýbaı ámirliginiń Islam jáne qaıyrymdylyq isteri jónindegi departamentimen tájirıbe almasý semınary bolyp ótti. Naıb múftı Baýyrjan Esmahannyń tóraǵalyǵymen ótken alqaly jıynǵa respýblıkalyq «Zeket» qorynyń tóraǵasy Talǵat Omarov jáne atalmysh qordyń óńirlerdegi barlyq ókilderi, «Ýaqyp» qorynyń tóraǵasy Qaırat Aıtbaı myrza jáne Qaıyrymdylyq ister boıynsha atqarýshy dırektory Ahmad ál-Mýheırı bastaǵan dýbaılyq delegatsııa músheleri qatysty.

Kezdesý aıasynda qor músheleri sheteldik áriptesterimen etene tanysyp, jumys josparlaryna qanyǵa tústi. Qaıyrymdylyq isteri men zeket salasy boıynsha ozyq tájirıbelerimen bólisip, birqatar mańyzdy máseleler boıynsha úlgi-nusqaýlyqtarǵa qol jetkizdi. Arnaıy qoıylǵan beınetaqtalar arqyly qos taraptyń jumys tájirıbeleri kórsetilip otyrdy.

Kezdesý sońynda Astana qalasyna arnaıylap at basyn tiregen Dýbaılyq delegatsııa qazaqy qurmet-iltıpatqa óz alǵystaryn bildirip, syılyqtaryn tabys etti.