«Zeket qorynyń zamanaýı kelbeti» onlaın konferentsııasy ótti (FOTO)
Qazaqstan musylmandary dinı basqarmasynyń ortalyq apparatynda «Zeket jáne qaıyrymdylyq» qorynyń uıymdastyrýymen «Zeket qorynyń zamanaýı kelbeti» taqyrybynda onlaın konferentsııa ótti.
Is-sharaǵa «Zeket jáne qaıyrymdylyq» qorynyń dırektory Qanat Qydyrmın, sarapshy mamandar jáne qordyń respýblıka óńirlerindegi ókilderi onlaın qatysty.
Aldymen Qanat Qoıanbekuly qaıyrymdylyq qorynyń jańa jobalaryn tanystyryp, atqarylǵan is-sharalarǵa qysqasha toqtalyp ótse, esepshi Ernar Qojabek «Zeket jáne qaıyrymdylyq qorynyń qyzmetkerler jumysyn baǵalaý júıesi» taqyrybynda baıandama jasasa, qordyń áleýmettik qyzmetkeri Jánibek Zamanbek muqtajdar bazasyn qurýdyń jańa ádistemesin tanystyrdy.
Al konferentsııa sońynda qordyń ıslamdyq qarjy máseleleri boıynsha sarapshysy Maqsatbek Qaıyrǵalıev zeket ókilderine aldaǵy kúnderi «Zeket jınaýdyń ádistemelik nusqasy» taqyrybyndaǵy semınar-trenıng uıymdastyrylatynyn jetkizdi.
