Jalǵas Sadýaqasulynyń jańa kitaptary shyqty
Nur-Múbarak ýnıversıteti Ǵylymı keńesi usynysymen dintanýshy, fılosofııa ǵylymdarynyń kandıdaty, Akademııalyq máseleler departamentiniń dırektory Jalǵas Sadýahasulynyń 3 kitaby jaryq kórdi.
«Ortaǵasyrlyq shyǵys fılosofııasyndaǵy basqarý mádenıetiniń adamgershilik negizderi» atty monografııada orta ǵasyr shyǵys oıshyldary ál-Farabı, ıbn Sına, ál-Ǵazalı jáne ıbn Haldýn sııaqty ǵalymdardyń ilimderi boıynsha memleketti basqarý mádenıeti, basqarýshylyq ádisteri sondaı-aq qoǵamdyq moral, Etıka, Estetıka, quqyq normalary men qaǵıdalaryna saı keletin basqarý ádisteri qaralady.
Odan ózge eńbekte oıshyldar aıtqan adam, qoǵam jáne memleket uǵymdarymen qatar adamgershilik qundylyqtar zerdelenip, bılik pen halyq arasynda bolýy tıis qarym-qatynas, ádeptilik erejeleri saralanady.
Jalǵas Sadýahasulynyń jaryq kórgen ekinshi, úshinshi kitaptary qazaq dalasynan shyǵyp, halqymyzdyń maqtanyshy aınalǵan ál-Farabıdyń traktattaryna arnalǵan. Týyndy «Baqytqa jetý jaıynda» men «Ǵylymdardyń jiktelýi týraly» dep atalady.
Avtordyń atalǵan eńbekterinde jalpy adam ómirindegi tálim men tárbıeniń mańyzdylyǵy túsindirilgen. Sonymen qatar orta ǵasyr oıshylynyń ǵylym men bilimderdiń árqaısyna jeke toqtap, sıpattama bergendigin, olarǵa qarasty bilim tarmaqtary men bólimderge taldaý jasaǵandyǵyn aýdarmadan oqı alasyz.
Kitap stýdentterge, basqarý salasy boıynsha mamandanýshy, magıstranttar men (PhD) doktoranttarǵa jáne memlekettik qyzmettegi Etıkalyq normatıvter tarıhyna qyzyǵýshylyq tanytýshy jáne barsha oqyrmandarǵa arnalady.
