Jambyl oblysyna jańa ókil ımam taǵaıyndaldy (FOTO)

16 aqpan 2019 7191 0
Оqý rejımi

Din salasy – asa názik, uqyptylyqty qajet etetin, rýhanııattyń ózegi bolǵan mańyzdy baǵyt. Osy oraıda, din mamandarynyń jan-jaqty, bilikti bolýy basty talap. Elimizdegi dinı ahýaldy rettep otyrý úshin de ımamdar, ustazdar túrli óńirlerde qyzmet jasap, dinniń san salasynda eńbek etýi shart.

Osy maqsatta, Qazaqstan musylmandary dinı baqarmasynyń Jambyl oblysyndaǵy ókili, «Hıbatýlla Tarazı» meshitiniń bas ımamy, medrese dırektory Danııar qajy Jumabaevtyń Almaty qalasy Bostandyq aýdany «Báıken» meshitine aýysqany jaıly aldyńǵy jańalyqtarda habarlaǵan bolatynbyz. Danııar qajy Álımuhameduly Jambyl oblysynda 8 jylǵa jýyq ýaqyt belsendi qyzmet jasap, óz eńbegin sińirdi

Al búginde Jambyl oblysynyń rýhanı júregi «Hıbatýlla Tarazı» meshitine jáne QMDB-nyń Jambyl oblysyndaǵy ókil ımamy qyzmetine Qanat Jumaǵulov taǵaıyndaldy. Oblysqa dinı kóshbasshyny taǵaıyndaýǵa QMDB-nyń Birinshi tóraǵa orynbasary, naıb múftı Ótpenov Naýryzbaı Taǵanuly arnaıy keldi. Sonymen qatar, bul aıtýly is-sharaǵa Jambyl oblysy Din isteri basqarmasynyń basshysy Jangeldi Omarov qatysty. Naýryzbaı Taǵanuly jamaǵatty Bas múftıdiń buıryǵymen tanystyryp, Qanat Jumaǵulovty jańa qyzmetimen quttyqtady. Juma namazyna jınalǵan kópshilik aldynda Jangeldi Omarov sóz sóılep, ımamdarǵa sáttilik tilesti. Kúnderdiń sultany kúni oqylatyn juma namazyn naıb múftı Naýryzbaı qajynyń ózi júrgizip, duǵa jasady.

Al osy oblysta ókil ımam qyzmetin atqaryp kelgen Danııar Jumabaevqa Bas múftıdiń atynan alǵys hat, Jambyl oblysy ákiminiń atynan marapat qaǵazy tabystaldy. Danııar qajy Jumabaev jamaǵatqa súbeli sóz sóılep, aýyzbirshilik, yntymaq týraly nasıhat aıtty. Sondaı-aq, jamaǵat atynan Danııar qarıǵa qazaqtyń dástúrli shapany jabyldy.

Ókildik qyzmetine kelgen ımamǵa ujymy jemisti ári nátıjeli jumys, yrys-bereke tileıdi.

Jumaǵul Qanat Ádilhanuly

1982 jyly Jambyl oblysy, Jambyl aýdany, Qarakemer aýylynda dúnıege kelgen.

Bilimi men biliktiligi:

1989 jyly Asa aýylyndaǵy «30 jyldyq» orta mektebine birinshi synypqa baryp, 1999 jyly Taraz qalalyq №27 orta mektepti támámdaǵan.

1999-2003 jyldary Halyqaralyq Qazaq-Arab ýnıversıteti, «Dintaný jáne arab tili» fakýlteti, «Dintanýshy jáne arab tili muǵalimi» mamandyǵy boıynsha bilim alǵan.

2003-2006 jyldary Túrkııa Respýblıkasy, Din isteri basqarmasy, «Hasekı» ımamdar ınstıtýtynda oqyǵan.

2015-2017 jyldary Almaty qalasy, «Shet tilderi jáne iskerlik karera» ýnıversıteti, «Dintaný» magıstrinde bilim alǵan.

Eńbek joly:

2006-2007 jyldary Otyrar ýnıversıteti, tarıh-fılosofııa fakýltetinde, 2007-2013 jyldary QMDB-ǵa qarasty «Astana» medresesinde oqytýshy qyzmetin,

2011-2013 jyldary Astana qalasy, «Nur Astana» ortalyq meshitinde, Atyraý qalasy, «át-Taqýa» meshitinde naıb ımam qyzmetterin atqarǵan.

2013-2014 jyldary «Shapaǵat» destrýktıvtik dinı aǵymdardan japa shekkenderge kómek ortalyǵy» qoǵamdyq qorynda teolog-dintanýshy,

2014-2017 jyldary Shapaǵat» destrýktıvtik dinı aǵymdardan japa shekkenderge kómek ortalyǵy» qoǵamdyq qorynyń dırektory bolǵan.

2017 jyldyń aqpan aıynan bastap Taraz qalalyq «Keńeshan qajy» meshitiniń bas ımamy qyzmetin atqaryp kelgen.

Otbasy bar. Eki ul, eki qyzdyń ákesi.

Pіkіrler Kіrý