Jambyl oblysynda kásipker úsh januıaǵa baspana syılady

Jambyl oblysy Qordaı aýdanynyń qurmetti azamaty Sársebek Salybaev az qamtylǵan úsh otbasyǵa úı syılady. Saltanatty shara Alǵys aıtý kúninde "Týǵan jerge taǵzym" aktsııasy aıasynda ótti, - dep habarlaıdy jergilikti taraztv.kz arnasy.

Salybaev - qordaılyq tanymal metsenat. 2017 jyly ol bes otbasyǵa úı syılaǵan edi, bul joly úsh otbasyn baspanamen qamtamasyz etti. 

Gúlmıra Dobaı daıashy bolyp jumys isteıdi jáne eki balasyn jalǵyz ózi asyrap otyr. Áıel adam "óz úıim bolsa" dep armandap kelgen. Alǵys aıtý kúni onyń armany oryndaldy. Metsenattyń qolynan jalǵyzbasty ana Raıana Bekturov pen Áýelbek Balbek úıdiń kiltin aldy. 

Telearna málimetinshe, kásipker qaıyrymdylyq sharasymen aınalysyp qana qoımaı, kóptegen aýdan turǵyndaryn jumyspen qamtamasyz etip otyr eken.