Jańa jyldan bastap 340 myń otbasy járdemaqy alady
2020 jyldan bastap jańa járdemaqy 340 myńnan astam otbasyǵa taǵaıyndalady, dep habarlaıdy QazAqparat agenttigi.
Bul týraly QR Eńbek jáne halyqty áleýmettik qorǵaý mınıstri Birjan Nurymbetov málim etti.
«Kópbalaly otbasylarǵa jeke memlekettik járdemaqy engizý kózdelgen. 2020 jyldan bastap kópbalaly otbasylarǵa, ıaǵnı 4 jáne odan da kóp kámeletke tolmaǵan balalary bar januıalarǵa otbasynyń tabysyna qaramastan járlemaqy tóleý kózdelip otyr. Bizdiń esebimiz boıynsha, atalǵan járdemaqyny jańa jyldan 340 myńnan astam kópbalaly otbasy alatyn bolady», - dedi mınıstr Parlament Májilisindegi Úkimet saǵatynda.
Onyń sózine qaraǵanda, otbasydaǵy balalar sanyna baılanysty 42 496 teńgeden 74 388 teńgege deıin saralanǵan mólsherde jańa memlekettik járdemaqy belgilenetin bolady.
