Jas mamandy aýylǵa dinı qyzmetke tartýdyń keshendi baǵdarlamasy ázirlenedi (FOTO)
Qazaqstan musylmandary dinı basqarmasynyń 2022 jylǵa arnalǵan keńeıtilgen Tóralqa májilisinde Bas múftı Naýryzbaı qajy Taǵanuly osylaı dedi.
«Dinı bilim izdegen jastar nege shetelge ketýge yntaly? Bul suraq árqaısymyzdy tereń oılandyrýy kerek. Birneshe jyldan beri memleketimizdiń kómegimen Islam áleminde joǵary mártebege ıe ál-Ázhar ýnıversıtetinen bilikti mamandardy Nur-Múbárak ýnıversıtetine qyzmetke shaqyrdyq. Alaıda shetelde dinı bilim alýǵa nıet bildirgen azamattar bar. Biz jastardy óz elimizde dinı bilim alýǵa qyzyqtyryp, jigerlendirýimiz kerek.
Biz medrese-kolledjderimizdegi oqý baǵdarlamasyn jetildire túsý maqsatynda «Úzdiksiz bilim berý kontseptsııasy» qujatyn qabyldaımyz. Jas mamandardy aýylǵa dinı qyzmetke tartýdyń keshendi baǵdarlamasy ázirlenýde. Dinı oqýdy bitirgen jastardy satylap qyzmetke taǵaıyndaımyz», – dep atap ótti Naýryzbaı qajy Taǵanuly.
