JASTAR ISI SEKTORY QAÝIPTI INDETTIŃ ZARDAPTARY JAILY SEMINAR ÓTKIZDI (FOTO)
«Al-Farabi» meshitinde Astana qalasy ókildigi Jastar isi sektorynyń josparly tapsyrmalaryna sáıkes «Nashaqorlyq – qurdymǵa ketiredi» taqyrybynda semınar ótti.
Aq dastarhan jaıylǵan jıynǵa Astana qalasy ókildigi Jastar isi sektorynyń jetekshisi Rahymjan Talǵatuly qatysty. «Áziret Sultan» meshitiniń naıb ımamy Qasym Mahmud atalmysh taqyryp tóńireginde nasıhatty aıtty.
Nasıhat barysynda qazirgi kúni rýhanı dert retinde keń taraǵan nashaqorlyqqa jol bermeý úshin árbir adam bilýi tıis onyń zııandy jaqtary atap ótildi. Sondaı-aq, bul dertten arylýdyń joldaryna toqtalyp, nápsini jaman qalaýdan tyıýdyń, balaǵa jastaıynan durys tárbıe berýdiń, jaman ortadan alshaq júrýdiń mańyzdylyǵy túsindirildi. Buǵan qosa Quran aıattary men Paıǵambar (ﷺ) hadısterinde kezdesetin nasıhattar tilge tıek etildi.
Basqosý sońynda jamaǵatqa el bolyp, besigimizdi túzetý úshin jastarǵa bul derttiń zııanyn barynsha uǵyndyrý qajettigi aıtyldy. Jamaǵatpen birge Alla Taǵala bizderdi nápsiniń jetegine erýden, túrli kúnáli isterden saqtap, aýlaq júrýdi násip etýin surap duǵa jasaldy.
Источник: Aidos
