Jastardyń onlaın forýmy ótedi
QMDB Jastar isi sektorynyń uıymdastyrýymen 10 qyrkúıek kúni saǵat 11.00-de ZOOM platformasy arqyly «Jastar. Jańa dáýir. Jasampazdyq» atty onlaın forým ótedi.
Forýmǵa QMDB Tóraǵasy, Bas múftı Naýryzbaı qajy Taǵanuly, QMDB Tóraǵasynyń orynbasary, naıb múftı Ershat qajy Ońǵarov, Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Shahmardan Baımanov, erejesiz jekpe-jekten álem chempıony Ardaq Nazarov, Atyraý munaı jáne gaz ýnıversıtetiniń prorektory Oljas Súleımenov, QMDB Jastar isi sektorynyń meńgerýshisi Ádilet Kópen, Nur-Múbarak ýnıversıtetiniń doktoranty Syrym Shákızada, sondaı-aq elge belgili jastar ókilderi, jastar uıymdarynyń músheleri men stýdentter qatysady. Forým barysy Dinı basqarmanyń YouTube kanalynan tikeleı Efırde kórsetiledi.
Forýmnyń maqsaty – sapaly bilim alyp, ózin ózi qalyptastyrýǵa umtylatyn, rýhanı jetilgen, eldiń, ulttyń qamyn oılaıtyn jastar býynyn qalyptastyrý. Sebebi jastardy túrli jat ıdeologııalardyń arbaýynan saqtandyrý, rýhanı qundylyqtarymyzdy qasterleýge úndeý, olardyń zamanǵa saı bilim alyp, óz-ózin jetildirýge qulshynysyn arttyrý – bizge mindet.
