Jeti baǵyt boıynsha jumystarǵa basymdyq beriledi (FOTO)
Qazaqstan musylmandary dinı basqarmasynyń 2022 jylǵa arnalǵan keńeıtilgen Tóralqa májilisinde QMDB-nyń Ortalyq Apparat qyzmetkerleri, bólim basshylary da baıandama jasady.
Atap aıtqanda, naıb múftı, Sharıǵat jáne pátýa bóliminiń meńgerýshisi Sansyzbaı Qurbanuly, Bas múftıdiń keńesshisi Kenjetaı Dúısenbaı, Apparat basshysy Ǵylymbek Jádigeruly, Ýaǵyz-nasıhat bóliminiń meńgerýshisi Batyrjan Mansurov, Dinı bilim jáne kadr daıarlaý bóliminiń meńgerýshisi Smaıyl Seıtbekov, Dinı ońaltý bóliminiń meńgerýshisi Hasan Amanqul, Aqparat jáne qoǵammen baılanys bóliminiń meńgerýshisi Aǵabek Qonarbaıuly t.b bólim basshylary baıandama jasap, Bas ımamdarǵa bıylǵy jeti baǵyt boıynsha atqarylýy tıis jumystar jaıly baıandady.
Aıta keteıik, Tóralqa májilisinde Bas múftı Naýryzbaı qajy Taǵanuly QMDB 2022 jyly jeti baǵyt boıynsha jumystarǵa basymdyq beretinin atap ótti. Olar – dinı bilim jáne ǵylym; ýaǵyz-nasıhat jáne ıhsan; din men dástúr; aqparat jáne aǵartý; qoǵammen baılanys; ýaqyp jáne qaıyrymdylyq; dinı ońaltý baǵyttary.
