«Jýsan» operatsııasy jalǵasady

22 qańtar 2019 5858 0
Оqý rejımi

Sırııadaǵy qazaqstandyqtardy elge qaıtarý boıynsha júrgizilgen «Jýsan» operatsııasy jalǵasyn tabady. Bul týraly keshe Syrtqy ister mınıstrligi baspasóz qyzmetiniń jetekshisi Aıbek Smadııarov málimdedi, dep habarlaıdy Sputnik Qazaqstan agenttigi.

Aıta ketsek, «Jýsan» operatsııasy aıasynda Sırııadan 47 azamat elge oralǵan edi. Olardyń deni, ıaǵnı 30-y – 1-5 jas aralyǵyndaǵy balalar.

«Bul sońǵy operatsııa emes, tek basy ǵana. Qazaqstannyń syrtqy istr mınıstrligi jáne basqa da memlekettik organdar azamattarymyzdyń taǵdyryn árdaıym basty nazarda ustaıdy», – deıdi A.Smadııarov.

Ol «Jýsan» operatsııasy uzaq daıyndalǵanyn ári kúrdeli bolǵanyn atap ótti. Sırııadaǵy otandastardy elge qaıtarýǵa sheteldik seriktester men halyqaralyq uıymdar tartylǵan.

«Qazaqstandyqtardyń kóbi Sırııada júrgen týysqandarymen bir jolyn taýyp baılanysqa shyǵyp júr. Ótken jyly konsýldyq qyzmet departamentine 20-dan astam ótinish tústi. Sondaı-aq Sırııadaǵy azamattardyń ózi túrli komıtetter, áleýmettik jelidegi toptar arqyly baılanysqa shyǵyp, úıge qaıtqysy keletinin aıtyp jatady», – dedi A.Smadııarov.

 

Pіkіrler Kіrý