JYL BASYNAN BERI 92 155 ÝAǴYZ-NASIHAT AITYLDY
2022 jyldyń alǵashqy segiz aıynda meshit ımamdary, RANT jáne JANT músheleri jamaǵatqa 92 155 ýaǵyz-nasıhat jumystaryn júrgizdi. Bul týraly QMDB Ýaǵyz-nasıhat bóliminiń meńgerýshisi Batyrjan Mansurov aıtty.
Elordada ótken keńeıtilgen Ortalyq apparat jınalysynda Batyrjan Berdenuly «Ýaǵyz-nasıhat jáne ıhsan baǵyty» baǵytynda qańtar-tamyz aılarynyń esebin Bas múftı Naýryzbaı qajy Taǵanulyna baıandady.
«Meshit ımamdary 78 695 ýaǵyz-nasıhat jumystaryn atqarsa, RANT músheleri 888, JANT músheleri 12 572 ýaǵyz-nasıhat jumystaryn júrgizdi. Jalpy alǵanda qazaq tilinde 89 960, al, orys tilinde 2195 ýaǵyz aıtyldy. Qatysqan jamaǵat sany qaıtalanyp kelgende 20 mıllıonnan asady. Budan bólek ıhsan baǵytynda segiz aı ishinde 10 101 is-shara atqaryldy» dedi bólim meńgerýshisi.
Sondaı-aq bólimge qarasty Jastar isi sektory 138 856 adam qamtylǵan 7093 is-shara ótkizse, Áıel-qyzdar sektory 59 171 shara atqaryp, oǵan 362 793 adam qatysty.
