JYLDYQ ESEP-2022: 1 JYLDA 9 MILLIONNAN ASTAM ADAM ÝAǴYZ TYŃDADY
2022 jyly onlaın jáne oflaın formatta 280 470 ýaǵyz-nasıhat aıtylyp, ony 9 606 349 adam tyńdady. Bul týraly elordada ótken QMDB Tóralqa májilisinde Ýaǵyz-nasıhat bóliminiń meńgerýshisi Batyrjan Mansurov baıandady.
«2022 jyly elimizdiń meshitterinde 104 126 besin ýaǵyzy, 149 477 aqsham ýaǵyzy aıtyldy. 1961 ýaǵyz-nasıhat orys tilinde aıtylsa, 20491 ýaǵyz-dárister onlaın formatta júrgizildi. Bólim qyzmetkerleri 52 juma ýaǵyzy men qutpasyn ázirledi. RANT músheleriniń jamaǵatpen 733, al JANT múshelerimen 5 596 kezdesýi ótti» dedi Batyrjan Berdenuly.
Ýaǵyz-nasıhat bólimine qarasty Jastar isi sektorynyń uıytqy bolýymen nasıhat baǵytynda 3141, qoǵamdyq baǵytta 2184, saýattylyq baǵytynda 2640 jáne sport baǵytynda 1655 is-shara ótti. Jalpy sany 9680 shara atqarylyp, 200 myńdaı adam qamtyldy.
Al Áıel-qyzdar sektory 65 417 shara uıymdastyryp, oǵan 353 255 adam qatysty. Tarqatyp aıtsaq, oqý-aǵartý baǵytynda 55 211 dáris uıymdastyrylsa, qaıyrymdylyq baǵytynda 2827 shara júzege asyrylyp, áleýmettik jaǵdaıy tómen otbasylarǵa kómek berildi. Ýaǵyz-nasıhat baǵytynda 4704, al qoǵamdyq jáne mádenı baǵyt boıynsha áıel jamaǵatynyń qatysýymen 2675 shara atqaryldy.
Источник: Aidos
