JYLDYQ ESEP-2022: 1227 IMAM BILIMIN JETILDIRIP, 18 035 ADAM SAÝAT AShTY

Bul týraly elordada ótken QMDB Tóralqa májilisinde Dinı bilim jáne kadr daıarlaý bóliminiń meńgerýshisi Smaıyl Seıtbekov baıandady.

«2021-2022 oqý jyly QMDB oqý oryndaryn 603 túlek bitirdi. Onyń 220-y Nur-Múbarak ýnıversıtetin támamdady. Bıyl Nur-Múbarak ýnıversıtetin bitirgen 120 túlek, medrese-kolledjderdi támamdaǵan 217 túlek qyzmetke ornalasty. Al qalǵan túlekterdiń birqatary bilim jolyn jalǵastyrsa, birqatary ózge salalarda qyzmetke ornalasty», – dedi Smaıyl Seıtbekov.

Bólim basshysynyń baıandaýynsha, bıyl Islam ınstıtýtynan 158 ımam bilimin jetildirip shyqty. Dinı saýat ashýǵa qatysqan jalpy jamaǵat sany – 18 035 adam. Bas múftı Naýryzbaı qajy Taǵanulynyń tapsyrmasyna sáıkes meshitterdegi dinı saýat ashý kýrstarynan bólek «Quran jattaý» jáne «Namaz úırený» kýrstary da iske qosylǵan bolatyn. Nátıjesinde bıyl Quran jattaý kýrsy 905 meshitte uıymdastyrylyp, 16 721 adam qatyssa, namaz úırený kýrsy 17 267 adamdy qamtyǵan.

Aıta keteıik, búginde elimizde barlyǵy 2752 meshit bar. Osy meshitterde 4728 din qyzmetkeri jumys isteıdi.