JYLDYQ ESEP-2022: 164 229 SURAQQA JAÝAP BERILDI

QMDB Sharıǵat jáne pátýa bóliminiń mamandary jyl basynan beri elimiz boıynsha 164 229  suraqqa jaýap berdi.

Pátýa mamandary jeke kezdesýde, telefon arqyly habarlasýshylarǵa jáne áleýmettik jeli qoldanýshylarynyń saýaldaryna jaýap berip keledi. Máselen, bıyl 44 132 suraqqa jeke kezdesýde jaýap berilse, telefon arqyly 36 774, al áleýmettik jeli qoldanýshylarynyń 83 323 suraǵyna jaýap berilgen. Saýaldardyń 44%-y ǵıbadat, 13%-y otbasy, 11%-y múliktik qatynas, 10%-y aqıda, qalǵan 22%-y ártúrli taqyryptarǵa qatysty qoıylǵan.

Budan bólek respýblıkalyq Dinı aqparat berý ortalyǵynyń mamandary (Call-ortalyq) jyl boıyna 9842 suraqqa jaýap bergen. Onyń basym bóligi qulshylyq, otbasy jáne saýda másálelerine qatysty qoıylǵan. Al dinı suraq-jaýap retinde ázirlengen 43 maqala fatua.kz pen muftyat.kz saıttaryna jarııalandy.

Sondaı-aq sharıǵat jáne pátýa mamandaryna otbasy quqyǵyna qatysty 345 ótinish kelip tússe, onyń 335-i tıisti sheshimin taýyp, qalǵan 10-y áli de qaralý ústinde.