JYLDYQ ESEP-2022: BIR JYLDA 114 BASPANA KILTI TABYSTALDY
«El úlesi – páterge» qaıyrymdylyq aktsııasy aıasynda 2022 jyly baspanaǵa muqtaj 114 otbasyǵa páter kilti tabystaldy. Bul týraly QMDB «Zeket jáne qaıyrymdylyq» qorynyń dırektory Maqsatbek Qaıyrǵalıev habarlady.
«2022 jyly elimiz boıynsha 24 502 qaıyrymdylyq is-shara uıymdastyrylyp, 846 736 otbasyǵa kómek berildi. Atap aıtqanda, «El úlesi – páterge» jobasy boıynsha 25 din qyzmetkerine jáne 89 kópbalaly otbasyǵa, jalpy bir jylda 114 úıdiń kilti berildi. Osyǵan deıin atalǵan joba aıasynda 620 otbasy baspanaly boldy. «Qaıyrymdy juma» aktsııasymen 45 206 otbasy kómek aldy. Al Qurban aıt merekesinde «Rabbyń úshin qurban shal» jobasy boıynsha 81 588 otbasyǵa qurbandyq eti taratyldy» dedi Maqsatbek Maqsotuly.
Sondaı-aq «QMDB granty» aktsııasy boıynsha «Nur-Múbarak» ýnıversıtetinde oqıtyn 48 shákirttiń jyldyq oqý aqysy tólendi. «Taıqazan» aktsııasy boıynsha 115 997 otbasyna 2200 tonna azyq-túlikpen kómek kórsetilse, «Qoldan – qolǵa» jobasy aıasynda 12 951 otbasy qaıyrymdylyq kómek aldy. «Jetim kórseń jebeı júr» jobasy aıasynda 6 490 jetim balaǵa kómek berilse, «Mektepke jol» aktsııasy boıynsha 17 870 áleýmettik az qamtylǵan otbasylardyń balalaryna oqý quraldarymen kómek jasalyndy.
«Qıyndyqta el birge» jobasy boıynsha sý tasqynynan zardap shekken Batys Qazaqstan oblysy Qaratóbe aýdanynyń Shalǵyn aýylyna 500 000 teńge kólemindegi qarajatqa kerekti kórpe-tósenishteri alyp berildi. Sonymen qatar Jánibek aýdanyna qarasty Jaqsybaı aýylyna azyq- túlik, kıim- keshek jáne kúndelikti turmysqa qajet zattar jóneltildi.
«Qostanaıǵa shuǵyl kómek» jobasy boıynsha órtten zardap shekken Qostanaı oblysyna 54 006 111 teńge kólemindegi qarajat jumsaldy.Kerekti kórpe-tósenishteri, azyq- túlik, kıim-keshek jáne kúndelikti turmysqa qajet zattar jóneltildi. «Jylý syıla» jobasy boıynsha Pavlodar oblysy Ekibastuz qalasynda TETs jylý berý stantsııasynda oryn alǵan apatqa baılanysty 29 148 400 teńge qarajat jumsaldy. Atalǵan qarajatqa kerekti kórpe-tósenishteri, azyq-túlik, kıim-keshek jáne kúndelikti turmysqa qajet zattar, sondaı-aq jóndeý jumystaryna qajetti quraldar jóneltildi» dedi qor dırektory.
