JYLDYQ ESEP-2022: QOǴAMMEN BAILANYS BAǴYTYNDA 6500-DEN ASTAM IS-ShARA UIYMDASTYRYLDY
Qazaqstan musylmandary dinı basqarmasy qoǵammen baılanysqa udaıy kóńil bólip keledi. Osy baǵytta jyl basynan beri 6500-den astam is-shara atqaryldy. Bul týraly QMDB Qoǵammen baılanys bóliminiń meńgerýshisi Nurbek Esmaǵanbet habarlady.
Bıylǵy jyly Dinı basqarmanyń qoǵammen baılanys baǵytyn jańa serpinmen damytý maqsatynda Qoǵammen baılanys bólimi ashyldy. QMDB janynan Aqsaqaldar keńesi men Sarapshylar keńesi quryldy. Atalǵan keńester qoǵamdyq máselelerge der kezinde ún qosyp, halyqty birlik pen ıgilikke úndedi. Bul baǵyt boıynsha 6500 is-shara ótkizildi.
Sonymen qatar, bıylǵy jyly Qazynaly qarııalardyń qatysýymen aımaqtarda 5 Aqsaqaldar forýmy, Sarapshylar keńesiniń 3 otyrysy ótti. Budan bólek kópke tanymal blogerler jáne BAQ ókilderiniń, elimizge tanymal sportshylardyń Bas múftımen beıresmı kezdesýleri uıymdastyryldy.
