JYLDYQ ESEP-2023: 186 154 SURAQQA JAÝAP BERILDI

QMDB Sharıǵat jáne pátýa bóliminiń mamandary jyl basynan beri elimiz boıynsha 186 154 suraqqa jaýap berdi. Bul týraly QMDB Tóraǵasynyń orynbasary, Sharıǵat jáne pátýa bóliminiń meńgerýshisi Sansyzbaı Qurbanuly baıandady.

Pátýa mamandary jeke kezdesýde, telefon arqyly habarlasýshylarǵa jáne áleýmettik jeli qoldanýshylarynyń saýaldaryna jaýap berip keledi. Máselen, bıyl 41 120 suraqqa jeke kezdesýde jaýap berilse, telefon arqyly 57 751, al áleýmettik jeli qoldanýshylarynyń 87 283 suraǵyna jaýap berilgen. 

Budan bólek respýblıkalyq Dinı aqparat berý ortalyǵynyń mamandary (Call-ortalyq) jyl boıyna 8786 suraqqa jaýap bergen. Onyń ishinde qulshylyqqa qatysty 4519, otbasyǵa qatysty 952, qaryz ben saýda-sattyqqa qatysty 756, teris aǵymdar jóninde 72, sondaı-aq ózge taqyryptarda 2487 suraq qoıylǵan. Al dinı suraq-jaýap retinde ázirlengen 198 maqala ázirlenip, onyń 60-y fatua.kz pen muftyat.kz saıttaryna, gazet-jýrnaldarǵa jarııalandy. 

Ǵulamalar keńesinde qabyldanǵan pátýalardy túsindirý boıynsha ımamdarǵa 106 semınar, al meshit jamaǵatyna 2426 pátýa saǵaty uıymdastyryldy. Sondaı-aq Oraza men qurbandyqqa qatysty suraq-jaýap toptastyrylǵan eki kitap jaryq kórdi.

Sondaı-aq sharıǵat jáne pátýa mamandaryna otbasy quqyǵyna qatysty 375 ótinish túsip, onyń barlyǵy oń sheshimin tapty. 

​