JYLDYQ ESEP-2023: 600-DEN ASTAM STÝDENTKE JATAQHANA BERILDI

Bul týraly QMDB «Ýaqyp» qorynyń basqarma tóraǵasy Ardaq Orazbaı habarlady.

«Bas múftı Naýryzbaı qajy Taǵanulynyń Baǵdarlyq baıandamasyndaǵy bir tapsyrma stýdentterge arnalǵan jataqhana ashý bolatyn. Osy oraıda elimizdiń ár óńirinde on bes jataqhana ashylyp, 600-den astam stýdentke qoldanysqa berildi. Atap aıtqanda, Qaraǵandy, BQO, Jambyl, Qostanaı, Astana, Almaty jáne Shymkent qalalarynda, Pavlodar jáne ShQO oblystaryndaǵy jataqhanalar stýdentterdi qabyldap, ornalastyrdy. Sonymen qatar, taǵy da qosymsha elimizdiń ár óńirinde jataqhanalar ashý josparlanýda» deıdi Ardaq Núsiphanuly.

Aıta keteıik, búgingi tańda QMDB-ǵa qarasty 53 qaıyrymdylyq mekeme jumys atqarýda. Sonyń qatarynda 21 qaıyrymdylyq mekeme 2023 jyly tirkelip, jumysyna kiristi. Qazirgi tańda qaıyrymdylyq mekemelerede oqıtyn jalpy shákirt sany – 2280-di qurap otyr. Astana men Almatydaǵy «Hýsamýddın as-Syǵanaqı» Islam ınstıtýtynyń «Ijaza» bólimin alǵashqy 32 shákirt támamdady. 2023 jyly elimiz boıynsha qor atyna 11 dúken, 4 ǵımarat pen 3 jer ýaqyp etip qabyldandy, sondaı-aq 1 ósıet tirkeldi.

​