JYLDYQ ESEP-2023: BAS MÚFTI 72 HALYQARALYQ IS-ShARAǴA QATYSTY (FOTO)
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly 2023 jyly 72 halyqaralyq is-sharaǵa qatysty. Bul týraly QMDB Halyqaralyq baılanys jáne hattama bóliminiń meńgerýshisi Marat Bektazınov baıandady.
«Dinı basqarma halyqaralyq baılanysty da nyǵaıtyp, alys-jaqyn sheteldermen áriptestik qarym-qatynasty arttyryp keledi. QMDB Tóraǵasy 2023 jyldyń basynda Saýd Arabııasy Koroldigine jumys saparymen baryp, musylman úmbetiniń birligi, qajylyq salasyn damytý ári ońtaılandyrýǵa qatysty mańyzdy kelissózder ótkizdi. Indonezııa Ǵulamalar keńesiniń shaqyrýymen Jakarta, Sýrabaıa qalalarynda bolyp, halyqaralyq jıynda sóz sóıledi. Bas múftı Indonezııa Ǵulamalar keńesimen birlesken málimdemege qol qoıdy. Irannyń Gorgan aımaǵynda ótken alqaly jıynda baıandama jasap, jergilikti qazaqtarmen kezdesip, pikir almasty. Túrkııada bolǵan joıqyn jersilkinisine baılanysty Naýryzbaı qajy Taǵanuly Qazaqstan musylmandary atynan Túrkııa eliniń múftıi Álı Erbashqa arnaıy baryp kóńil aıtty. Sol saparda Ankaradaǵy alyp meshitte túrik baýyrlar úshin duǵa jasady.
Sondaı-aq Bas múftı jazdaǵy qajylyq maýsymynda otandyq qajylarmen birge bolyp, Qazaqstan qajylyq mıssııasyna tóraǵalyq etti. Osy qajylyq sapary barysynda Dinı basqarmanyń uıymdastyrýymen halyqaralyq konferentsııa ótti. Odan bólek Prezıdent Qasym-Jomart Toqaevtyń Saýd Arabııasy Koroldigine jumys sapary kezinde Mádına qalasyndaǵy Muhammed paıǵambar (oǵan Allanyń salaýaty men sálemi bolsyn) meshitine baryp, arnaıy duǵa jasaý rásimine qatysty. Sonymen qatar Mekkede ótken halyqaralyq jıynda sóz sóılep, Quranǵa qurmet, musylman áleminiń aýyzbirshiligi jaıynda, taıaýda ǵana Mysyrǵa baryp, Talaba qaýymdastyǵymen kezdesip, halyqaralyq konferentsııada pátýa berý jáne syn qaterler týrasynda baıandama jasady. BAÁ, Qyrǵyzstanǵa baryp aıtýly jıynǵa qatysty. Astanada Polsha Respýblıkasy musylmandary dinı odaǵynyń Joǵarǵy alqasynyń tóraǵasy Tomash Mıskevıchpen ekijaqty memorandýmǵa qol qoıyldy. Ózbekstannyń Tashkent, Buhara qalalarynda ótken Túrki múftıler keńesiniń kezekti otyrysynda Bas múftı mańyzdy máselelerge toqtalyp baıandama jasady» deıdi Marat Dálelhanuly.
Aıta keteıik, Bas múftı Naýryzbaı qajy Taǵanuly Dinı basqarmada ózge memleketterdiń elimizdegi 19 elshisimen kezdesti. Odan bólek 16 sheteldik qonaqty qabyldady. QMDB Tóraǵasy elimizdiń 17 oblysyna 43 jumys saparymen baryp, dinı ahýalmen tanysyp, túrli rýhanı-tanymdyq, ǵylymı, qaıyrymdylyq t.b. barlyǵy 152 sharaǵa qatysty.
