JYLDYQ ESEP-2023: DINI BASQARMA SAITTARYNA 30 MYŃǴA JÝYQ KONTENT JARIIaLANDY
Qazaqstan musylmandary dinı basqarmasynyń ınternet-resýrstaryna 2023 jyly 28 740 kontent jarııalandy. Bul týraly QMDB Aqparat bóliminiń meńgerýshisi Aǵabek Qonarbaıuly habarlady.
«Dinı basqarmanyń www.muftyat.kz resmı saıtyna 2333 materıal salyndy. Naqtyraq aıtatyn bolsaq, 1979 jańalyq, 175 maqala, 41 suraq-jaýap, 121 vıdeo kontent jarııalandy. Al ókildikterge qarasty saıttarda 26 407 materıal jaryq kórgen. Múftııattyń resmı saıtyn 2023 jyldyń 1 qańtary men 31 jeltoqsan aralyǵynda 3,5 mıllıon adam qarady. Táýligine turaqty 15-18 myń oqyrman, Ramazan men Máýlit aılary, Qurban aıt, Oraza aıt merekelerinde táýligine 35000, eń kóbi 129 000 adam saıtty qaraǵan» dedi bólim meńgerýshisi.
Bólim mamandary osy jyly múftııat jumysyn halyqaralyq deńgeıde nasıhattaýǵa úles qosty. Atap aıtqanda, respýblıkalyq jáne halyqaralyq deńgeıde ótken is-sharalar álemge tanymal ál-Jazıra, TRT, Anadoly, MIR syndy aqparat agenttikterinde jarııalanyp, kórermen nazaryna usynyldy. Elimizdegi jáne álemdegi oqıǵalarǵa qatysty QMDB ustanymyn bildiretin 28 resmı málimdeme jarııalandy. Atyraýda «Azan» radıosy ashylyp, ǵıbratty habarlar tyńdarmanǵa jol tartty. Qajylyq maýsymynda besinshi paryzdy tolyq túsindiretin arnaıy fılm ázirlendi. Bir jylda áleýmettik jeliler men saıttarǵa 4500-den astam foto-banner jasalyp, taratyldy.
Derekkóz: QMDB Baspasóz qyzmeti
