JYLDYQ ESEP-2023: «DINI OŃALTÝ BOIYNShA 11092 YQPAL ETÝ AKTsIIaSY JASALDY (FOTO)
Múftııattyń dinı ońaltýǵa jaýapty mamandary 2023 jyly 11 092 jeke yqpal etý aktsııasyn (jeke kezdesýlerdi) júzege asyrdy. Bul týraly elordada ótken QMDB Tóralqa májilisinde Dinı ońaltý bóliminiń meńgerýshisi Hasan Amanqul baıandady.
«QMDB qyzmetkerleri ókildikter tarapynan 5428, sondaı-aq teolog retinde ońaltý ortalyqtary tarapynan 5664 aktsııa ótkizdi. Atalǵan aktsııalar nátıjesinde jalpy 1265 adamǵa oń yqpal jasaldy. Atap aıtqanda, 980 adam qazaqstandyq qoǵam qundylyqtaryna beıimdeldi, onyń 105-i túzetý mekemelerinde jazasyn óteýshiler. Al jaýapty dinı ońaltý sýbektilerdiń birlesken qorytyndysy boıynsha 285 adam ońalyp, destrýktıvti dinı aǵym (DDA) ıdeologııasynan bas tartty dep tanyldy, onyń 55-i jazasyn ótep jatqandar» dep atap ótti Hasan Tashaıuly.
Sonymen qatar Dinı ońaltý bólimi Qazaqstan úshin dástúrli Islamǵa jat dinı aǵymdar ıdeologııalarynyń dindar ortada taralýyn aldyn alý, destrýktıvti dinı aǵym jaqtastaryn teologııalyq ońaltý jumysynyń júıeli túrde júrgizilýin qamtamasyz etý jáne jetildirý jolynda aýqymdy jumystardy júzege asyrdy. Máselen 2023 jyly jat dinı aǵymdardyń anyqtamasy men qatelikteri jarııalanatyn Telegram kanaly ashyldy. Búginde onyń 2 myńnan astam jazylýshysy bar. Oǵan 38 vıdeo, 59 maqala, 45 ınfografıka, 37 aýdıo dáris jáne 24 ǵalymdar sózi jarııalandy. Sondaı-aq muftyat.kz saıtynda «Dinı senim» aıdary ashylyp, búginge deıin oǵan 29 maqala shyǵaryldy. Onyń 10-y orys tilinde daıyndaldy.
Respýblıkalyq mańyzy bar qalalarda jáne oblys ortalyqtarynda Túrki dinı kitaptardy oqytý kýrstary ashyldy. 481 adam – «Ǵıbadat ıslámııa», 196 adam – «Sabatýl ajızın», 390 adam – «Musylmandyq sharty» kitaptaryn oqyp bitirdi. QR Ishki ister mınıstrligi Qylmystyq atqarý júıesi komıtetiniń 45 túzetý mekemesi dinı ońaltýǵa qatysty jalpy 2461 kitappen qamtamasyz etildi. Memlekettik mekemeler men oqý oryndarynda jergilikti din ister basqarmasymen kelise otyryp jat aǵymdardan saqtandyrý boıynsha 1068 aqparattyq-túsindirme jumystary júrgizilip, oǵan jalpy 51565 adam qatysty.
