JYLDYQ ESEP-2023: MEShITTERDE 22 301 ADAM SAÝAT AShTY (FOTO)

Bul týraly elordada ótken QMDB Tóralqa májilisinde Dinı bilim jáne kadr daıarlaý bóliminiń meńgerýshisi Smaıyl Seıtbekov baıandady.

«2022-2023 oqý jyly QMDB oqý oryndaryn 712 túlek bitirdi. Onyń 245-i Nur-Múbarak ýnıversıteti men 371-i Dinı basqarmaǵa qarasty 9 medrese-kolledjdi, 63-i Qarılar daıyndaý ortalyqtaryn jáne 33-i «Hýsamýddın ás-Syǵanaqı» ıslam ınstıtýtyn támamdady. Imamdarǵa arnalǵan 985 semınar-kýrs uıymdastyrylyp, 11 231 din qyzmetkeri qatysty. «Zııatker ımam» taqyrybynda 75 semınar jáne 20 jarys ótip, oǵan 2 539 ımam qatysty. Sondaı-aq meshitterdegi dinı saýat ashýǵa qatysqan jalpy jamaǵat sany – 22 301. Al 7335 adam Quran kýrsynan ótti» dedi Smaıyl Súıerqululy.

Bólim basshysynyń baıandaýynsha, bıyl Islam ınstıtýtynan 98 ımam bilimin jetildirip shyqty. Bas múftı Naýryzbaı qajy Taǵanulynyń tapsyrmasyna sáıkes meshitterdegi dinı saýat ashý kýrsynan bólek «Namaz úırený» kýrstaryna 19 576 adam qatysty. Odan bólek 2023 jyly «Imanı jaz» jazǵy saýat ashý kýrsynan 34831 bala óti, onyń 23188-i ul bala, 11643-i qyz bala.