JYLDYQ ESEP-2023: «MUNARA TV» SÝRDOAÝDARMA QYZMETIN ISKE QOSTY
Qazaqstan musylmandary dinı basqarmasynyń tól telearnasy «Munara TV» 2023 jyly tehnıkalyq áleýetin jańartyp, sýrdoaýdarma qyzmetin iske qosty. Bul týraly telearna dırektory Erkin Shákiruly habarlady.
«Estý qabileti nashar azamattardyń aqparat alýyna jaǵdaı jasaıtyn sýrdoaýdarma qyzmeti otandyq telearnalar tájirıbesinde burynnan bar. Bas múftı bastamasymen biz de Dinı basqarmanyń tól telearnasyna sýrdoaýdarma qyzmetin iske qostyq. Qazirgi ýaqytta QMDB ustazdarynyń dáristeri Efırden sýrdoaýdarmamen berilýde. Sondaı-aq 2023 jyly telearnany damytý jáne jumysyn jan-jaqty jetildirý úshin arna janynan Kórkemdik keńes quryldy. Keńeske elimizge belgili telejýrnalıster, blogerler múshelikke endi. Aqtaý qalasynda uıymdastyrylǵan HII respýblıkalyq Quran Kárimdi jatqa jáne mánerlep oqý baıqaýy men elordadaǵy Bas meshitte tuńǵysh ret ótken Halyqaralyq Quran jarysy tikeleı Efırde kórsetildi» dedi telearna dırektory.
Aıta keteıik, «Munara TV» telearnasy qoǵamdaǵy ózekti taqyryptardy qamtı otyryp, «Din men dástúr», «Ramazan – jaqsylyq aıy», «Qajylyq – bıznes kózi me»?, «Quranda namaz jaıly ne aıtylǵan?» taqyryptarynda podkast túsirildi. «25 qazan – Ulttyq mereke», «Lýdomanııa – qoǵam derti», «Qajylyq – uly sapar» dep atalatyn arnaıy reportajdar jasaldy. Áıel-qyzdar sektorynyń bastaýymen «Bala tárbıesi otbasynan bastalady», Áıel jáne kásip degen ataýmen birneshe ózekti podkasttar túsirildi. Sonymen qatar «Ihsan – rýhanı tárbıe negizi» kitabynyń aýdıo nusqasy ázirlendi. 2023 jyly arnanyń tehnıkalyq jabdyqtaryn jańartý jumystary júrgizildi.
Derekkóz: QMDB Baspasóz qyzmeti
