JYLDYQ ESEP – 2025: «MUNARA» TELEARNASYNYŃ ShYǴARMAShYLYQ QARQYNY ARTTY
2025 jyly «Munara» telearnasynyń shyǵarmashylyq jáne tehnıkalyq áleýetin kúsheıtý maqsatynda 10 maman jumysqa qabyldanyp, 1 qazannan bastap Efırlik saıasat tolyqtaı jańartyldy. Nátıjesinde telearna Efırindegi aldyńǵy baǵdarlamalardyń 50 paıyzy zamanaýı talaptarǵa saı jańa kontentpen almastyryldy.
Jyl ishinde 330-ǵa jýyq baǵdarlama, reportaj, beınerolık jáne podkast túsirilip, turaqty jáne aptalyq baǵdarlamalar sany 40-qa jýyqtady. Memlekettik tapsyrys aıasynda mazmundyq mańyzy joǵary 3 joba qarjylandyrylyp, kórermenge usynyldy.
Telearnanyń tsıfrlyq platformalardaǵy kórsetkishi de turaqty ósim kórsetti. Atap aıtqanda, Instagram áleýmettik jelisindegi jazylýshylar sany 7 098-ge, TikTok jelisinde 6 702-ge, al YouTube platformasynda 39 600 jazylýshyǵa jetti.
2025 jyly Efırge shyqqan negizgi jobalar qatarynda: «Babalar sózi», «Adal jol», «Salıqaly suhbat», «Imanym – jıǵanym», «Səti túsken suhbat», «Bataly el» baǵdarlamalary bar.
Sondaı-aq stýdııalyq jáne turaqty formattaǵy jobalar kórermenniń suranysyna saı júıeli túrde usynyldy. Atap aıtqanda: «Qaıyrly tań», «Arnaıy reportaj», «Otbasy kodeksi», «Bas meshit baıany», «Kúı kúmbiri», «Kitap talqy», «Qazaq qyzy», «Jetinshi túısik», «Juma tilek», «Jas jubaılarǵa nasıhat», «Jaqsy sóz», «Áıel ádebimen», «Endi ne isteımiz?», «Tarıhtan taǵylym», «Qala men dala», «Dala órkenıeti», «Bilý kerek», «Munara aptalyǵy», «Aýyrmaıtyn jol» jobalary Efırden turaqty oryn aldy.
