JYLDYQ ESEP – 2025: QMDB-NYŃ AQPARATTYQ JUMYSYNYŃ QORYTYNDYSY
2025 jyly Qazaqstan musylmandary dinı basqarmasynyń Aqparat jáne qoǵammen baılanys bólimi aqparattyq keńistikte aýqymdy jumys atqaryp, resmı saıttar men áleýmettik jeliler arqyly mıllıondaǵan adamdy resmı ári sapaly aqparatpen qamtydy.
Jyl basynan beri muftyat.kz resmı saıtynda 1 500-den astam jańalyq jarııalandy. QMDB qyzmetin nasıhattaýǵa baǵyttalǵan 20-dan astam saıt turaqty jumys istedi. Óńirlik ókildikterge qarasty ınternet-resýrstarda 30 myńǵa jýyq materıal jaryq kórdi. Al resmı saıtty bir jyl ishinde 4 mıllıonnan astam adam qaraǵan.
Instagram paraqshasynda jyl ishinde 820 jarııalanym jaryq kórdi. Onyń 413 Reels jáne 407 foto post formatynda. Reels formatyndaǵy kontent kólemi ótken jylmen salystyrǵanda 40 paıyzǵa artty. Al jyldyq qamtý kórsetkishi (ohvat) 2024 jylmen salystyrǵanda 620 paıyzǵa ósti. Sonymen qatar paraqshaǵa bir jyl ishinde 23 myń jańa oqyrman tirkeldi.
TikTok platformasynda 566 beınematerıal jarııalanyp, oqyrmandar tarapynan 200 myń laık, 8 754 pikir jáne 36 myń repost tirkeldi. Jyl qorytyndysynda jazylýshylar sany 56 364-ke jetip, taza ósim 14 myń adamdy qurady.
YouTube arnasynda bir jylda 144 kontent jaryq kórdi. Onyń ishinde 125 beınematerıal, 13 Shorts jáne 6 tikeleı Efır bar. Jalpy qaralym ýaqyty 225 100 saǵatty qurady. Jańa oqyrmandar sany 13 700 boldy.
14 naýryzda iske qosylǵan WhatsApp arnasynyń jazylýshylary 11 myńǵa jetip, sońǵy jartyjyldyqta belsendilik 244,6 paıyzǵa artty. Qosymsha Instagram arnasynda 9 400 jazylýshy bar, ortasha belsendilik 315 092, jarııalanym sany 1 000-nan asty.
Sonymen qatar Aqparat jáne qoǵammen baılanys bólimi respýblıkalyq jáne óńirlik buqaralyq aqparat quraldarymen turaqty áriptestik ornatyp, jyl boıy ózge BAQ ókilderinen kelip túsken 200-den asa suranymdarǵa jaýap berip, QMDB qyzmetine qatysty baspasóz habarlamalary, suhbattar, túsindirme materıaldar men resmı málimdemelerdiń keńinen jarııalanýyn qamtamasyz etti. Teleradıo jáne ınternet-basylymdarda QMDB qyzmetin qamtyǵan materıaldar turaqty túrde jaryq kórdi.
