JYLDYQ ESEP – 2025: ÝAQYP QAIYRYMDYLYQ QORY JYL KÓLEMINDE 817 RET NASIHAT AITYP, 16 340-QA JÝYQ AZAMATTY QAMTYDY
2025 jyly QMDB Ýaqyp korporatıvtik qaıyrymdylyq qory ýaqyp ınstıtýtyn damytý, onyń qyzmetin júıeleý jáne qoǵam ıgiligine baǵyttaý maqsatynda keshendi jumystar atqardy. Jyl barysynda rýhanı, áleýmettik, Ekonomıkalyq jáne aqparattyq baǵyttardy qamtıtyn birqatar mańyzdy jobalar men is-sharalar júzege asyryldy.
Atalǵan kezeńdegi basty rýhanı jobalardyń biri – Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń bastamasymen júzege asyrylǵan «Qazaq Quran baspasy» jobasy boldy. Joba aıasynda Quran Kárim mátini otandyq grafıkalyq mamandardyń qatysýymen Elektrondy nusqada tolyq ázirlenip, tarıhı zertteý jumystary, betteý, syrtqy dızaın jáne jańa shrıft jasaý protsesteri aıaqtaldy. Qasıetti Qurandy basyp shyǵarý jumystary 2026 jylǵa josparlandy.
Jyl ishinde ýaqyp ınstıtýtyn nasıhattaý jáne kásipkerlermen ózara yntymaqtastyqty nyǵaıtý maqsatynda respýblıkalyq deńgeıdegi is-sharalar ótkizildi. Almaty qalasynda alǵash ret «Ýaqyp – sarqylmas saýap» atty I respýblıkalyq forým uıymdastyrylyp, oǵan elimizdiń barlyq óńirlerinen 400-den astam kásipker qatysty. Sonymen qatar Astana qalasynda jáne birqatar óńirlerde kásipkerlerge arnalǵan semınarlar men iskerlik kezdesýler ótkizilip, ýaqyp qabyldaý tártibi, jobalardyń tanystyrylymy jáne ýaqypnama tabystaý rásimderi júzege asyryldy. Atalǵan is-sharalar nátıjesinde shamamen 1300-ge jýyq kásipker qamtyldy.
Ýaqyp taqyryby elimiz boıynsha meshit jamaǵattary arasynda keńinen túsindirilip, jyl kóleminde 817 ret nasıhattalyp, 16 340-qa jýyq azamatty qamtydy. Bul jumystar ýaqyp mádenıetin qalyptastyrýǵa jáne qoǵamdaǵy qaıyrymdylyq sana-sezimdi arttyrýǵa yqpal etti.
Jyl qorytyndysy boıynsha ýaqyp retinde birqatar jyljymaıtyn jáne jyljymaly múlikter qabyldandy. Atap aıtqanda, Almaty qalasy men Túrkistan qalasynda ornalasqan kásiptik nysandar men jer telimderi ýaqypqa alyndy. Sondaı-aq óńirlerde áleýmettik mańyzy bar avtokólik, turǵyn úı, qasaphana, kópir, dúken jáne balalar oıyn alańdary el ıgiligine berildi. Sonymen qatar 56 iri jáne shaǵyn kásiporynmen ýaqypnama rásimdelip, turaqty áriptestik baılanystar ornatyldy.
Qordyń turaqty Ekonomıkalyq modelin qalyptastyrý maqsatynda birqatar kásipkerlik bastamalar iske qosylyp, ýaqypqa tıesili nysandar qyzmetin bastady. Bul jobalardan túsetin tabystar tikeleı qor qyzmetine baǵyttalýda. Sonymen birge ýaqyp qorynyń qarjylyq turaqtylyǵyn arttyrý maqsatynda birqatar brendtik ónimder ázirlenip, satylymǵa shyǵaryldy.
Aqparattyq qyzmet aıasynda áleýmettik jeliler men resmı ınternet resýrstar arqyly ýaqyp qyzmeti týraly materıaldar júıeli túrde jarııalanyp otyrdy. Jyl ishinde beınematerıaldar, tikeleı Efırler, podkasttar men maqalalar jaryq kórip, qordyń negizgi platformalarynda turaqty aýdıtorııa qalyptasty. Sondaı-aq elimizdiń barlyq óńirlerinde qordyń aımaqtyq aqparattyq paraqshalary belsendi jumys istedi.
Qaıyrymdylyq jáne demeýshilik qyzmet sheńberinde bilim berý, dinı jáne áleýmettik mekemelerge turaqty qarjylaı qoldaý kórsetildi. Jyl ishinde qor tarapynan 45 881 900 teńge kóleminde demeýshilik kómek kórsetilip, sonymen qatar demeýshiler esebinen elimiz boıynsha qaıyrymdylyq mekemeler men stýdentter úılerine 710 000 000 teńge kóleminde qaıyrymdylyq jasaldy.
Jalpy alǵanda, 2025 jyl QMDB Ýaqyp korporatıvtik qaıyrymdylyq qory úshin ýaqyp ınstıtýtyn jańǵyrtýǵa, onyń qyzmetin júıeleýge jáne uzaq merzimdi damýyna negiz qalaǵan mańyzdy kezeń boldy. Qor aldaǵy ýaqytta da din men qoǵamǵa qyzmet etýge baǵyttalǵan jumystaryn turaqty túrde jalǵastyra bermek.
