Oraza aıatyndaǵy aq jip pen qara jiptiń maǵynasy ne?
Assalamý aleıkým! Quran Kárimde oraza tutý jaıly aıattyń birinde «Aq jip pen qara jip aıyrylǵansha iship-jeńder» delingen eken. Munyń maǵynasy ne?
Ответ
Ýa aleıkým assalam!
Quran Kárimde: «...Ári tańnyń aq jibi qara jipten anyqtalǵanǵa deıin jeńder-ishińder, keıin orazany keshke deıin ustap aıaqtańdar...»[1],-dep ámir etilgen. Aıattaǵy aq jip – kókjıekten sozylyp kórinetin tańnyń atýy. Al, qara jip – túnniń qarańǵylyǵy. Tań men keshti jipke teńeýiniń sebebi – sozylyp jip sııaqty bop kórinýinen[2].
Bul jaıly mynadaı hadıs bar. Adı bın Hatım (r.a.): «Men aq jáne qara qos jipti alyp jastyǵymnyń astyna qoıdym. Ekeýine qarap qoıamyn, biraq aqtan qarany ajyrata almadym. Muny Paıǵambarǵa (s.ǵ.s.) aıtqanymda ol: «Rasynda sen júregiń taza jansyń. Ol tańnyń aǵy men túnniń qarańǵylyǵy»,[3] – dep jaýap berdi.
Demek, aq jip – tańnyń atýy, al qara jip – kún batyp keshtiń túsýi.
