Musylman emes adamǵa sadaqa berýge bola ma?

24 qańtar 2023 2913 0
Оqý rejımi

Ássálámý ǵáláıkým! Musylman emes adamǵa kómektesýge, sadaqa berýge bola ma? Sol jóninde aıtyp ketseńizder eken


Ответ

Allanyń quldaryna meıirimdilik tanytý – Islamnyń mańyzdy sanalǵan isteriniń biri. Paıǵambar Muhammed (oǵan Allanyń salaýaty men sálemi bolsyn) adamdarǵa meıirimdi bolǵan adamǵa Alla da meıirimdi ekenin aıtady (Tırmızı, Ábý Daýd). Bizdiń maqsatymyz – Allanyń razylyǵyna bólený, sondyqtan biz Allanyń kez kelgen jaratylysyna meıirimmen qaraýymyz kerek.

Alla Taǵala Quran Kárimde «Táýbe» súresiniń 60-aıatynda:

«Zeket-sadaqalar tek qoly qysqa paqyrlarǵa, muqtajdarǵa, zeket jınaý mindetin atqarýshy qyzmetkerlerge, qaryzǵa batqandarǵa, Alla jolynda júrgenderge jáne elinen jyraqta júrgen nemese jolda qalǵan jolaýshylarǵa arnalady. Allanyń paryz etken kesimdi úkimi osy. Alla – Alım (bárin biletin sheksiz ilim ıesi), Hakım (ár isi men árbir úkiminde talaı hıkmet bolǵan asqan danalyq ıesi)» deıdi.

Sadaqa musylman emes adamdy ıslam diiniń kórkemdigin kórsetý nemese ıslamdy jańa ǵana qabyldaǵan adamdy qoldaý maqsatynda beriledi.

Ibn Abbastyń aıtýynsha Paıǵambarymyz (oǵan Allanyń salaýaty men sálemi bolsyn) myna aıat túspeıinshe musylmandardan basqa adamdarǵa sadaqa berýge tyıym salǵan: «(Ýa, Muhammed! Osynaý úkimderdi adamdarǵa jetkizý tikeleı mindetiń bolǵanymen) olardy (jappaı) týra jolǵa salý seniń mindetiń emes. Alla qalaǵanyna ǵana týra jolǵa túsýdi násip etedi. (Mine, sondyqtan istegen jaqsylyqtaryńdy mindetsinbeńder, óıtkeni) qaıyr-sadaqa retinde ne berseńder de, ózderiń úshin (ıaǵnı paıdasy men saýaby ózderińe tıedi). Sender onsyz da (múmin retinde) ne berseńder de, tek bir Allanyń razylyǵyna bólený úshin beresińder. Igi jolda ne sarp etseńder de, saýabyn tolyq alasyńdar jáne áste ádiletsizdikke ushyramaısyńdar (aqylaryńdy eshkim jemeıdi)» («Baqara» súres, 2-aıat). Osydan keıin ol(oǵan Allanyń salaýaty men sálemi bolsyn)  qaı din ókili bolsa da suraǵan adamǵa sadaqa berýdi buıyrdy».

Allanyń elshisi (oǵan Allanyń salaýaty men sálemi bolsyn) Medınada bolǵanda, Mekke qalasynda ashtyq júrip jatty. Paıǵambar (oǵan Allanyń salaýaty men sálemi bolsyn) Mekkege 500 dınar jiberip, Ábý Sýfıan men Safvan ıbn Ýmaıǵa barlyq musylmandarmen qosa putqa tabynýshylarǵa da bul aqshadan taratýdy júktedi.

Sonymen, musylman emes adamǵa onyń Haq dinge jaqyndaýy úshin, sondaı-aq, Islam dininiń kórkemdigin kórsetý maqsatynda jomarttyq tanytýǵa bolady. Alaıda, sadaqany alýshynyń  musylmandarǵa qastandyq jasamaýy jáne alǵan sadaqasyn jaman is-áreketterdi júzege asyrýǵa paıdalanbaýy mańyzdy.

Alaıda, bul úkim óz erkimen beriletin sadaqaǵa ǵana júredi. Paryz etilgen zeket tek musylmandarǵa beriledi.

Tegter: sadaqa zeket
Pіkіrler Kіrý