AFFIRMATsIIa JASAÝ DURYS PA?

28 mamyr 2024 897 0
Оqý rejımi

AFFIRMATsIIa JASAÝ DURYS PA?


Ответ

Affırmatsııa latyn tilinde «bekitý, rastaý» degen sózge saıady. Iaǵnı psıhologııalyq turǵydan: «Men baqyttymyn, men baımyn, meniń jan-dúnıem saý, (joq bolsa da) meniń alyp úıim bar» degen sııaqty sózderdi kúndelikti birneshe ret qaıtalaý arqyly ózin-ózi sendirý, ılandyrý, sanasynda sol oıdy oryndalǵandaı etip bekitý.

Affırmatsııany nasıhattap júrgen ózderin psıholog retinde sanaıtyndardyń sózderine nazar salsaq: «Affırmatsııa jumys jasaý úshin oǵan tolyqtaı 100% paıyz sený kerek. Ár arman-maqsatyń oryndalǵandaı naqty senimmen aıtylýy shart. Soǵan tolyqtaı nanyp, kóp qaıtalaýdyń nátıjesinde ǵana ol jumys jasaıdy[1]» - dep úıretedi. Sonymen qatar, «Dinde jaqsylyq tileý bar, jaqsylyqtardyń barlyǵyn bir Alla beretinine senemiz» - degendeı sharıǵatpen baılanystyrǵylary da keledi.

Affırmatsııaǵa 100% paıyz ılanyp, kóp qaıtalaýmen tilegi qabyl bolady, ony durys jasamasań jumys jasamaıdy, tilektiń oryndalýyn affermatsııamen iske asty deý sharıǵattyń negizderine saı kelmeıdi. Sebebi Allanyń qalaýynsyz eshnárse júzege aspaıdy. Árıne sebepti ustanbaý aqymaqtyq, biraq sol sebeptiń ózi bir nárseni boldyrady dep sený kúpirlik. Sondyqtan, árbir isimizde áýeli Allaǵa súıenýimiz kerek. Quranda Alla Taǵala:

فَإِذَا عَزَمْتَ فَتَوَكَّلْ عَلَى اللَّهِ ۚ إِنَّ اللَّهَ يُحِبُّ الْمُتَوَكِّلِينَ

«Qandaıda bir iske bel býsań, Allaǵa súıen! (táýbe et!). Alla sózsiz ózine súıengenderi jaqsy kóredi»[2].

Basqa bir aıatta:

إِيَّاكَ نَعْبُدُ وَإِيَّاكَ نَسْتَعِينُ

«Saǵan ǵana qulshylyq etemiz jáne Senen ǵana járdem tileımiz» [3] - dep bir Ózinen ǵana tileýimizge shaqyrǵan.

Ánas ıbn Malık (r.a) jetkizgen hadıste, paıǵambarmyz (Allanyń oǵan ıgiligi men sálemi bolsyn):

لِيَسْأَلْ أَحَدُكُمْ رَبَّهُ حَاجَتَه حَتَّى يَسْأَلَهُ شِسْعَ نَعْلِهِ إِذَا انْقَطَعَ

«Senderdiń birleriń qajetterin Rabbysynan surasyn, tipti, úzilip qalsa, aıaq kıiminiń baýynda Odan surasyn» [4] dep, bazarda tolyp turǵan baýdyń ózin Alladan ǵana suraýǵa shyqyrǵan. Olaı bolsa nelikten sharıǵatymyzda negizi joq, keshe ǵana paıda bolǵan tujyrymdardy qoldanbaqpyz?!

Qudsı hadıste Alla Taǵala:

من ذا الَّذي يسألُني فأعطيَهُ...

«Kim menen surasa, oǵan beremin...»[5] - degen.

Endeshe ne surasaq ta, ne qajet bolsa da, bir Alladan ǵana surap, eki búıirimizdi shyǵaraıyq. Alla barshamyzdyń tileýimizdi bersin! Ámın.

 

 

Jeńis Ábıbýllauly

 

Автор: Қожанов Қасым

Pіkіrler Kіrý