ARAQ-ShARAP SATATYN JERDE JUMYS ISTEÝGE BOLADY MA?
ARAQ-ShARAP SATATYN JERDE JUMYS ISTEÝGE BOLADY MA?
Ответ
Jaýap: Sharıǵatymyzda musylman adamnyń araq-sharap satýyna, satyp alýyna tyıym salynady. Ibn Omar (r.a.) rıýaıat etken hadıste Allanyń elshisi sharapqa baılanysty mynandaı on nársege qarǵys aıtqan: «Araq on túrli qyrynan qarǵysqa ushyrady: araqtyń ózi, ony ishýshi men quıyp berýshi, satýshy men satyp alýshy, daıyndaýshy men daıyndatýshy, ákelýshi men ákeldirýshi jáne araqtan túsken paıdany jeýshi Alla tarapynan qarǵysqa ushyrady»[1].
Alla Taǵala Quranda: «Jaqsylyq pen taqýalyqta bir-birlerińe járdem berińder! Al kúná men dushpandyqta bir-birińe járdemdespeńder!»[2] – degen. Sondyqtan araq-sharap satý kúnáli iske járdem berý bolǵandyqtan ondaı jerde jumys istemegen durys.
QMDB Sharıǵat jáne pátýa bólimi
[1] Imam Ábý Daýid, № 3674.
[2] «Máıda» súresi, 2-aıat.
Автор: айтбай арслан
