KÁSIP ALǴA BASÝ ÚShIN QANDAI DUǴALAR OQÝ KEREK?

KÁSIP ALǴA BASÝ ÚShIN QANDAI DUǴALAR OQÝ KEREK?

Ответ

Islam dininde duǵanyń orny orasan zor. Musylman adam ómirinde oryn alǵan ártúrli jaǵdaıattarda Rabbysyna qol jaıyp, shyn júregimen duǵa etedi. Biz tómende berekeni, rızyqty arttyratyn, kásip alǵa basý úshin oqylatyn duǵalarǵa toqtalsaq. 

1. Saýda, kásip, rızyq tabýda týra jolda júrý úshin paıda beretin duǵa. Paıǵambarymyz (oǵan Allanyń salaýaty men sálemi bolsyn) tań namazyn oqyp bolǵannan keıin: «Ýa, Alla! Rasynda men Senen adal rızyq-nesibe, paıdaly bilim ári qabyl bolatyn amal suraımyn», – deıtin.

2. Rızyq duǵasy: «Ýa, Alla! Patshalyqtyń Iesi! Bılikti qalaǵanyńa beresiń jáne qalaǵanyńnan bılikti alasyń. Qalaǵanyńnyń mereıin ústem etesiń, qalaǵanyńdy tómendetesiń. Izgilik Seniń ıeligińde. Aqıqatynda, Sen ár nársege Qudyrettisiń! Dúnıede de, aqyrette de Meıirimin tógýshi. Sen qalaǵanyńa eki dúnıe jaqsylyǵyn beresiń, qalaǵanyńa bermeısiń. Ózińniń rahmetińmen basqaǵa muqtaj etpe».

3. «Ýa, Rabbym! Rızyq-nesibem aspanda bolsa, jerge túsir. Jerde bolsa, betine shyǵar. Alys bolsa, jaqyndat. Qıyn bolsa, jeńildet. Jeńil bolsa, kóbeıtip, berekeli qyl! Ámın!».

4. Bazarǵa kirgende oqylatyn duǵa: Paıǵambarymyz (oǵan Allanyń salaýaty men sálemi bolsyn): «Kimde-kim bazarǵa kelip, «Alladan basqa Táńir joq. Ol jalǵyz jáne Onyń serigi joq. Múlik Oǵan tán jáne Ol barlyq maqtaýǵa laıyq. Óltiredi jáne tiriltedi. Ol tiri, eshqashan ólmeıdi. Jaqsylyq Onyń ıeliginde jáne kúsh-qudi-reti barlyq nársege tolyq jetedi», – dese, Alla Taǵala ol adamǵa sansyz saýap jazady jáne onyń kúnásin keshirip, dárejesin ósiredi», – degen.

5. Berekeni arttyrý duǵasy: «Ýa, Rabbym! Rızyǵyma, ómirime, jumysyma, bilimime, ýaqytyma, urpaǵyma, densaýlyǵyma, otbasyma berekeńdi berýińdi suraımyn».

Sonymen qatar kóp ıstıǵfar, Paıǵambarymyzǵa (oǵan Allanyń salaýaty men sálemi bolsyn) únemi salaýat aıtyp júrý rızyqty arttyrady. Budan basqa da kásipti júrgizýge sebep bolatyn, rızyqty arttyratyn duǵalar bar. Alaıda adam eń aldymen Allaǵa táýekel etip, rızyǵyn talap etýde áreket etip, jumys isteýi kerek. Sondaı-aq duǵa qylǵanda Alla Taǵalaǵa jalbarynyp, shyn júregimen jáne duǵasynyń anyq qabyl bolatynyna senip jasaýy kerek.

Alla Taǵala barshamyzdyń kásibimizge, árbir isimizge bereke bersin!

Medet QURMAShULY

«Iman» jýrnaly, №7, 2024 jyl

Автор: айтбай арслан