Aýa raıyn aldyn ala boljaýǵa sharıǵat qalaı qaraıdy?

11 jeltoqsan 2018 10302 0
Оqý rejımi

Assalamaleıkým! Men meterologııa mamandyǵynda oqýshy edim. Iaǵnı aýa raıyn zerttep boljaıtyn oqý. Osy  mamandyqty oqyǵan durys pa? Sharıǵatqa qaıshy tusy joq pa? Ersultan Ermahan

 


Ответ

Ýaǵaleıkýmassalam. Jalpy adamzat balasyna paıdasyn tıgizetin, qorshaǵan ortanyń ıgiline asatyn kez kelgen ilim bolsyn, mamandyq bolsyn ony oqyp úırenýge, sol istiń mamanyna aınalýǵa ıslam sharıǵaty durys qaraıdy. Bastysy Alla Taǵala kúná dep belgilep qoıǵan sheńberden shyǵyp ketpese bolǵany.

Meterologııa  ilimi jaıly ǵulamalarymyz biraýyzdan onyń sharıǵatqa esh qaıshylyǵy joq ekendigin aıtyp ótken. Meterologııa ilimi ǵaıyp ilimin ashý, ǵaıyptan habar alý degendi bildirmeıdi. Meterologııa mamandyǵynyń sharıǵatta ruqsat ekenine eki sebep negiz bolady. Birinshi, atalmysh salada adamdar úshin, tipti qorshaǵan orta úshin de aýyl sharýashylyq jumystary úshin de qajettiliktiń bar ekeni aıdan anyq. Ekinshi, meterologııa salasynda, mamandar tek  boljamdarǵa, astronomııalyq esep-qısaptarǵa súıenip, jeldiń kúsheıýi sııaqty, bulttardyń kóshýi sııaqty qubylystarǵa mán bere otyryp,  aýa-raıynyń jaǵdaıyn shamalap boljaıdy. Aýa-raıynyń óz bolashaǵynan belgi berýi de Allanyń qalaýy. Alla Taǵalanyń  adamdarǵa,  jan-janýarlarǵa degen meıirimdiligi hám jeńildiginiń nyshany. Alla Taǵala Qasıetti Quranda: «Ol kúndi shýaq shashqan jaryq, al aıdy (kúnnen nár alǵan) nur etip jaratty jáne jyldardyń sany men ýaqyttyń esebin bilip júrýleriń úshin oǵan birqatar kezeńder mejelep qoıdy. Alla bulardy bostan bosqa emes, belgili bir maqsatta ǵana aqıqat hám myzǵymas júıe negizinde jaratty. Alla taǵala biletin ári bilgisi keletin qaýym úshin aıattardy osylaısha jan-jaqty baıandap túsindiredi» («Iýnýs» súresi, 5-aıat) Bul aıattan Alla Taǵala jaratylystyń qubylysyn adamdarǵa belgi retinde  kórsetetindigin ańǵaramyz. Osy tusta Allaǵa jáne onyń ǵaıyp ilimine ıman keltirgen musylman: "Aqıqatyn Alla bilýshi, barlyq nárse Allanyń qalaýymen iske asady" - degen senimin júrekte nyq ornyqtyrýy shart. Alaıda bul zertteý jasamaı, tek boljaldap bilý degendi bildirmeıdi.

Asqar Muqanov

Pіkіrler Kіrý