Pátýa suraýshy kúnásin ashyp aıtýy tıis pe?

19 qańtar 2019 9726 0
Оqý rejımi

Assalam aleıkým. Keı adamdar meshitke kelip kóńilderi bosap, erterekte istep qoıǵan kúnálary úshin táýbe etkisi kelip ımamdarǵa jolyǵyp jatatyny bar. Suraq: táýbe etkisi kelgen adam meshit qyzmetkerlerine kúnásin ashyp aıtý kerek pe? 


Ответ

Jaýap: Ýa aleıkým ássalam. Negizinde jasalǵan kúnáni jarııalap aıtýǵa tyıym salynǵan. Oǵan dálel Ábý Hýraıranyń (r.a) jetkizgen myna hadısy:

Alla elshisi (s.ǵ.s):

كُلُّ أُمَّتِي مُعَافًى إِلَّا المُجَاهِرِينَ، وَإِنَّ مِنَ المُجَاهَرَةِ أَنْ يَعْمَلَ الرَّجُلُ بِاللَّيْلِ عَمَلًا، ثُمَّ يُصْبِحَ وَقَدْ سَتَرَهُ اللهُ عَلَيْهِ، فَيَقُولَ: يَا فُلاَنُ، عَمِلْتُ البَارِحَةَ كَذَا وَكَذَا، وَقَدْ بَاتَ يَسْتُرُهُ رَبُّهُ، وَيُصْبِحُ يَكْشِفُ سِتْرَ اللهِ عَنْهُ

«Úmmetimniń ishinde óz kúnásin jarııalaýshylardan basqanyń barlyǵyna birdeı keshirim jasalady. Óz kúnásin jarııalaýdyń mysaly: bir adam túnde bir is jasap qoıady da Alla onyń kúnásin jasyrǵan kúıi tańyn attyrady. Alaıda ol: «Áı, pálenshe, men keshe anany istedim, mynany istedim», – deıdi. Alla onyń kúnásin jasyrady, al ertesine ol Allanyń jasyrǵanyn jarııalaıdy», – dedi.[1]

Alaıda, qandaı da bir iske tap bolyp, sonyń úkimin suraýǵa kelgen adam, sol suraǵynan keıin shyǵys jolyn tabar bolsa, onda onyń suraýy sharıǵattyń tyıym salǵan isterinen emes. Keı ǵalymdar buny jón (ıstıhsan) amal dep baǵalaǵan. Imam Mýnaýı (r.a) Imam Naýaýıdiń myna sózin dáıekteıdi: «Eger qandaı da bir adam kúná iske urynyp qalsa, ol týraly bireýge habar berýi –unamsyz is (mákrúh). Ol kerisinshe kúnásinen qaıtyp, ol isi úshin ókinip, qaıta qaıtpasqa bel býýy kerek. Al, eger óziniń sheıhine (ustazyna), sol syndy shyǵys jolyna baǵyttaıdy-aý dep úmittengen adamǵa nemese sol isti basynan ótkergenge, nemese sol úshin duǵa jasaıtyn adamǵa aıtsa, onda bul isi jón bolady. Bul isti unamsyz (mákrúh) etetin nárse – paıdasyz jarııalaýy bolmaq»[2].

Sol sııaqty Imam Ǵazalı bylaı deıdi: «Kúnásin ashyp aıtýdy jaǵymsyz (mákrúh) etetin nárse– durysyn bilip, shyǵys jolyn tabý úshin emes, ózin áshkereleý men ózgeni kelekeleý úshin kúnásinen habar berý. Oǵan dálel – Ramazan aıynda áıelimen qosylyp qoıǵan adamnyń óz qateligin aıtyp, Paıǵambardyń (s.ǵ.s) aldyna kelgendigi. Sebebi, Paıǵambar (s.ǵ.s) onyń bul aıtqanyna tyıym salmaǵan edi (sebebi, ol kúná bolsa, Paıǵambar (s.ǵ.s) birden tyıym salar edi)».

Eń durysyn Alla biledi.

Aıbek Ábdiqadyr
Muslim.kz caıtynyń dinı sarapshysy

Tegter: pátýa kúná
Pіkіrler Kіrý