Búginnen bastap oraza ustasam bola ma?

08 mamyr 2019 9137 0
Оqý rejımi

Assalamaǵaleıkým, meniń negizi oraza ustaǵym kelgen. Oǵan ata-anamnyń qarsy bolýy da sebep boldy. Biraq, qatty qarsy bolǵan joq. «Óziń jumys isteısiń, qınalyp qalasyń. Ustamaı-aq qoı», - degeni bolmasa. Jumysym asa qıyn emes. Keıinnen oraza ustap júrgen dostarymdy kórip, ustaǵym keldi. Orazanyń saýaby jaıynda aıtqanda qatty áserlendim. Endi oraza ustasam, qabyl bola ma? Qanat


Ответ

Ýaǵaleıkýmýssalam, Qanat. Oraza ustasańyz bolady. Oraza aıynan keıin tutpaǵan kúnderińizdi óteısiz. Sizdiń jaǵdaıyńyzǵa qarasaq, birinshiden ózińizge senimdi bolmaǵansyz, ekinshiden ózge kisilerdiń qarsy bolýynan oraza ustaı almaǵansyz. Degenmen de áli kesh emes. Nıetińiz qabyl bolsyn!

Kóp adam Ramazannyń bel ortasynan nemese bir-eki kún ótkizip ustap jatady. Olardyń da sebebi ártúrli. Bireýlerge orazanyń saýaby jaıynda aıtylǵan ýaǵyzdar áser etse, endi bireýlerdiń oraza ustaýyna jaqyn týystary, dostary sebepker bolyp jatady.

Negizinde musylman adam Ramazanǵa birneshe aı buryn daıyndyq jasaýy kerek. Nápil orazalar ustap, orazanyń saýaby, paıdasy jaıynda aqparattar oqyp jáne t.b. Óıtkeni, Ramazannyń bir kúninde tutylǵan orazanyń saýabyn siz bir jyl oraza ustap ala almaısyz. Sondyqtan, Ramazannyń bir kúnin bos qaldyrmaı tutqan abzal. Keıde sapardaǵy kisiler, azdap aýyrǵan kisiler shydap, Ramazannyń sol kúngi orazasyn tutyp jatady. Onyń sebebi, jańaǵy aıtqan saýaptan qur qalmaý.

Qurylysta júrip, tipti metallýrg bolyp jumys isteıtinderdiń oraza ustap júrgenin estidik. Olardy qasıetti Ramazan aıyndaǵy orazanyń mol saýabynan úmit etken jandar dep bilemiz. Sebebi, oraza - deni saý árbir musylmanǵa paryz ári saýaby eselenip beriletin uly qulshylyq.

Pіkіrler Kіrý