Alla elshisi (s.ǵ.s.) naýqastardy zııarat etkende nege mán bergen?

05 qańtar 2020 9004 0
Оqý rejımi

Assalaýmaǵaleıkým! Paıǵambarymyz (s.ǵ.s.) naýqastardy zııarat etkende nendeı nárselerge mán bergen? Qandaı saýaby bar?


Ответ

Alla elshisi (s.ǵ.s.) naýqastardyń kóńilin suraýdy musylmannyń musylman aldyndaǵy paryzdarynyń biri dep bilgen. Dertke shaldyqqan dimkás jandardyń hal-jaǵdaıyn suramaǵandardyń Alla Taǵalanyń meıiriminen maqurym qalatynyn jetkizgen. Úıine qaıta oralǵanǵa deıin naýqasty zııarat etken adam úshin perishteler keshirim tileıtinin aıtqan. Paıǵambarymyz (s.ǵ.s.) eresekterdiń ǵana emes, jas balalardyń da hal-jaǵdaıyn bilýdi esten shyǵarmaǵan. Kóńilin suraı barǵan naýqasty oń qolymen sıpap otyryp: «Kúlli dúnıeniń Rabby – Alla Taǵalam, qulyńnyń dertin seıiltip, oǵan shıpa ber. Shıpany berýshi bir ǵana Ózińsiń. Seniń shıpańnan basqa shıpa joq. Buǵan eshbir aýrýdyń izin qaldyrmaıtyn shıpa ber», – dep duǵa etetin.

Jıeni aýyryp ál ústinde jatqanda, qyzy Zeınep (r.a.) Paıǵambarymyzǵa (s.ǵ.s.) kisi jibertip, balasynyń ólim aýzynda jatqanyn aıtady. Paıǵambarymyz (s.ǵ.s.) tabaldyryqtan attaǵanda, jas bala alyp-ushyp atasynyń qushaǵyna kirip ketedi. Meıirim elshisi kóz jasyna erik berip egile jylaıdy. Onyń jylaǵanyn Saǵd ıbn Ubada ersi kórgendeı syńaı tanytady. Muny baıqap qalǵan Paıǵambarymyz (s.ǵ.s.): «Bul – meıirimnen týyndaǵan kóz jasy. Alla ony qalaǵan qulyna násip etedi. Alla tek meıirimdi quldaryna ǵana raqym etedi», – dep túsindirgen bolatyn.

Naýqastarǵa barǵanda, olardyń kóńilin aýlaýǵa tyrysatyn. Sahabalardyń biri aýyryp qalǵanda: «Ýaıymdama, ınshalla, osy aýrýyń arqyly kúnálaryńnan tazarasyń», – dep jubatatyn. Ózge din ókilderiniń de baryp kóńilin suraıtyn. Keıde bir naýqasqa birneshe ret kirip-shyǵatyn. Saǵd ıbn Mýazdyń (r.a.) soǵysta qoly jaralanǵanda, jaqyn jerde turyp járdem berý úshin meshit ishinen naýqasqa arnaıy shatyr tiktirgen.

Pіkіrler Kіrý