Týylmaı jatyp shetinegen sábıge janaza namaz oqyla ma?

Səlemetsizder me, muslim.kz portaly! Meniń suraǵym bar edi ótinish jaýap beresizder me? Qazir aıaǵym aýyr 7 aılyq egizder bolatyn. 6 aılyq kezinde ishimde bireýi shetinep qaldy. Dərigerler ekinshisine zııaany joq tirisin ýaqyty kelgende bosanasyń dedi. Sol bosanǵanda artynan ólgen nəreste mýmııa bolyp týylady eken. Sol sharanany ne isteımiz? Roddomda qaldyrǵym joq. Azan shaqyryp, at qoıyp jerleıdi me? Sosyn týylmaı turyp shetinegen səbıdiń jany qaıda bolady? Osy meni mazalap júrgen suraqtaryma jaýap beresizder me? Aldyn ala rahmet! Gúljan

Ответ

Sálemetsiz be, Gúljan! Aldymen aıtatyn narse, janaza rəsimderi tek ómirge tiri kelgen səbılerge jasalady. Sebebi, Paıǵambarymyz aıtdy: «Səbı ómirge kelgende tirshiliktiń belgisin beretin bolsa (qımyldaý, daýys shyǵarý sekildi), oǵan janaza namazy oqylady», – degen. Al ómirge jany təninen shyǵyp keletin bolsa, ondaı səbılerge janaza namazy oqylmaıdy. Musylmandardyń zıratyna aparyp, aq mataǵa orap jerleıdi.

Ishtegi náreste shetinegen jaǵdaıda, oǵan at qoısa, qııamette Allanyń qalaýymen shapaǵatshy bolatyny týraly Paıǵambarymyz (s.ǵ.s.) bylaı degen: «Túsik balalarǵa at qoıyńyzdar. Óıtkeni Alla at qoıylǵan balamen tarazynyń saýap jaǵyn aýyrlatady. Bolmasa ol bala qııamet kúni kelip, bylaı deıdi: «Ýa, Alla Taǵalam! Bular maǵan at qoımady. Men arqyly alatyn saýaptarynan qur alaqan qaldy», – deıdi»[1]. Iaǵnı, ishte jatyp shetinegen sábıge de at qoıylady.

Al, endi ondaı sábılerdiń jaǵdaıy qalaı bolady? degen suraqqa keletin bolsaq, olardan Qııamette esep-qısap suralmaıdy. Qaıta ol sábı Qııamet kúninde ata-anasyna shapaǵat etetin bolady. Balalar áke-sheshesiniń aldynan shyǵyp, etegine jabysatyny, Alla olardy jánnatqa kirgizbeıinshe, jibermeıtini týraly súıinshi habarlar kelgen[2].