Jolymdy qalaı asham?

24 maýsym 2020 11095 0
Оqý rejımi

Assalaýmaǵalaıkým! Meniń jolym bolmaı júr, duǵa nemese Quranmen dem salýǵa bolady ma? Dinimizde qandaı joldary bar sol jaıly aıtsańyzdar. Samalbek


Ответ

Ýa aleıkým assalam!

Turmys taýqymeti men tarshylyǵy qajytyp, istegen jumys ónbeı bereketi bolmaı jatsa jáne basqa da qıyndyqtarǵa tap bolǵan kezde ıstıǵfar aıtý qajet. Istıǵfar – bilip-bilmeı jasaǵan qate-kúnálar úshin Alla Taǵaladan keshirim surap, táýbe etý.

Quran Kárimde: «...Rabbylaryńnan keshirim surańdar, rasynda, Ol – asa Keshirimdi. Sonda Alla senderge jańbyrdy nóserlete jiberedi. Hám senderdi mal-múlikpen jáne bala-shaǵamen qoldaıdy da, sender úshin jer betinde baqtar jasaıdy ári sender úshin ózender jasaıdy[1]», – dep ámir etedi. Demek, kóp ıstıǵfar aıtyp, táýbe etý – adamnyń mal-dúnıe jáne bala-shaǵasymen baqytty bolýyna hám Alla men Elshisiniń súıispenshiligine bólenýine sebep[2].

Sonymen birge, Ibn Abbas (r.a.) rıýaıat etken hadıste: «Kimde-kim ıstıǵfar aıtýdy ádetke aınaldyrsa, Alla Taǵala oǵan tyǵyryqtan shyǵatyn joldy kórsetedi, ýaıym-qaıǵysynan keıin qýanysh beredi jáne oılaman jerden rızyq-násibesin beredi[3]», – dep aıtylǵan.

Túıindeı aıtqanda, hadıste ıstıǵfardy ádetke aınaldyrý qajet ekeni aıtylýda. Al, ıstıǵfar eń az degende kúndiz 100 ret, keshke 100 ret aıtqan jón[4]. Istıǵfardyń kóptegen túri bar. Sonyń qysqa da nusqa túri: «Astaǵfırý Allahal azymal lázı lá ıláhá ıllá Hýal Haııýl Qoııým ýá átýbý ıláh[5]». Maǵynasy: «Ózinen basqa Qudaı joq Ulyq Alladan jarylqaý tilep, Oǵan táýbe etemin. Ol – Haı, Máńgi Tiri jáne Qaıým, barsha tirshilikti baqylaýshy Alla».

 


[1] Nuh súresi, 11-12 aıattar
[2] Jamı Ýsýl fı ahadıs rasýl, 5-6 bólim, 147-bet
[3] Ábý Daýd, Nasaı
[4] Jamı Ýsýl fı ahadıs rasýl, 5-6 bólim, 150-bet
[5] Ábý Daýd, Tırmızı

Rýslan Kambarov

Pіkіrler Kіrý