Qurban shalý kimderge ýájip bolady?

Assalaýmaǵaleıkým! Suraıyn degenim, qurbandyq shalý barlyq musylmandarǵa birdeı mindetti me? Qurbandyq shalmaýǵa ruqsat etiletin jaǵdaılar bar ma?

Ответ

Ýaǵaleıkýmassalam! Hanafı mázhabynda qurban aıtta shamasy jetkenderge qurban shalý – ýájip.

Ýájiptiginiń dálelderi:

Alla Taǵala Quran Kárimde: «Namaz oqy jáne qurban shal»[1] – dep, ámir etip, qurban shalýdyń ýájiptigin bildiredi.

Paıǵambarymyz (s.ǵ.s.) «Kimde-kim múmkinshiligi bola tura qurban shalmasa, bizdiń namaz oqıtyn jerimizge jaqyndamasyn!» – dep buıyrǵan. Árıne, bundaı qatań eskertý, kem degende, qurban shalýdyń ýájiptigin bildirse kerek.

Paıǵambarymyzdyń (s.ǵ.s.) «Qurban shalyńdar! Óıtkeni ol Ibrahım ákelerińniń súnneti», – deýi qurban shalýdyń ýájiptigine teris emes. Óıtkeni «súnnet» joly degen maǵynany bildiredi. Iaǵnı, bizge ýájip bolǵan qurban shalý – Ibrahımniń (ǵ.s.) jalǵasa kelgen joly degen maǵynany meńzeıdi.

Qurban shalý kimderge ýájip?

Qurban shalý belgili bir adamǵa ýájip bolý úshin tómendegi sharttar kerek.

1. Musylman bolý

2. Qurban aıt ýaqytynda jolaýshy bolmaý

3. Negizgi qajetterden tys nısap mólsherindegi qarjyǵa ıe bolý. Nısap mólsheri – 85 gramm altyn ıakı qunyna teń keletin aqsha. Zeket ǵıbadaty sııaqty qurbannyń ýájip bolýy úshin nısap mólsherine jetken malǵa bir jyl tolý shart emes.

Qurban shalǵan ýaqytta mindetti túrde nıet etý kerek. Óıtkeni, maldy ǵıbadat úshin soıatyny sııaqty, tek qana etin paıdalaný úshin de soıýǵa bolady.