«Нұр Астана» мешіті күрделі жөндеу жұмыстарына байланысты уақытша жабылады (ФОТО)

Елорданың сол жағалауында орналасқан «Нұр Астана» мешіті жұмысын уақытша тоқтатады.

«Нұр Астана» мешітінде қайта жөндеу жұмыстары басталғаны бұған дейін хабарлаған болатын. Қазір құлшылық үйінің шатыры, мұнарасы мен қабырғаларына күрделі жөндеу жұмыстары жүргізілуде.

Келуші жамағаттың қауіпсіздігін ескере отырып, әрі құрылыс жұмыстарының кедергісіз жүруіне жағдай жасау мақсатында мешіт әкімшілігі құлшылық үйін уақытша жабуға шешім қабылдады. Мешіттің ашылуы жайлы ақпарат алдағы уақытта қосымша жарияланады.

Дереккөз: ummet.kz