«БҰЛ ХАЛАЛ, АЛ МЫНАУ ХАРАМ»- ДЕП ТӘРБИЕЛЕУ
“Бұл халал, ал мынау харам” деп тәрбиелеу - Құдайдан қорқатын ұрпақ өсіреді.
Ал “ұят болады” деп тәрбиелеу – жұрттан қысылатын, адамдардың алдында ненің ерсі, ненің дұрыс не бұрыс екенін ажырататын ұрпақ өсіреді.
Сондықтан да, балаға тәрбие берерде ненің ұят екенін, ненің харам-халал екенін үйретсеңіз, ерсі қылықтардан ада, ешкімнің ала жібін аттамайтын ұрпақ жетіледі…
-Қоғамымызда сезім тапшылығы соншалықты,
жылы сөз не кішкене мейірімділік көрсе, көп адам оны бірден “махаббат” деп түсінеді!
-Білім, түсінік, жаттау, оқыған кітаптарың қанша көп болса да, егер оны көркем мінезің сүйемелдемесе, ол ілімің өз есігіңнің табалдырығынан әрі аспайды!
-Махаббат тек екі тірекпен тік тұрады:
қамқорлық пен құрмет. Бірі болмаса, ол - ақсап тұрған махаббат…
-Біреу жердің құрттын менсінбей қарап еді,
құрт күліп тұрып: “Тәкәппар болма, адам! Ертең сен - менің тамағымсың!” деді…
-Ауа температурасы - нөл,
қоқыс тазалаушы үсіп жүрсе де, саған қарап күлімсірейді.
Ал кейбіреулер - жылы жерде, жайлы кеңседе отырса да, мінезі - нөлден төмен!
-Көшеге тастаған әрбір қоқысың - қала тазалығынпн қам жеп жүрген жүрген жұмысшыға ауыр салмақ. Рақыммен қара!
-Исламдағы ең ұлы сабақ - көркем мінез.
Егер сенің мінезің көркем болмаса, Исламнан не үйрендің?
-Бір дана айтқан екен:
“Мен әйел затындай қадірлі жаратылысты көрмедім. Бала кезінде - әкесін жәннатқа жетелейді,
бойжеткенде - күйеуінің дінін кемел етеді,
ана болғанда - аяғының астында жәннат жатады.”
-Қызық жаратылыспыз:
қатты армандаймыз, оған жеткен соң қадірін жоғалтамыз,
жоғалтқан соң қайтадан аңсап, зар боламыз!
-“Нәпсімен күрес” – айтуы оңай, істеуі қиын,
тек Жәннатты көз алдына елестеткен, Раббысының мейірімін сезінген шын мұсылман ғана соған шыдай алады.
⸻
Тілектермен:
Қайырлы, мейірімге толы ғұмыр кешіңіздер!
