ALLANYŃ MEIIRIMI KEIDE AÝYR SYNAQ TÚRINDE KÓRINEDI
«Eger Alla seni týra jolǵa salýdy qalasa, sen baıqamaı tabynatyn puttaryńdy syndyrady: Egońdy, aqshany, ataq, dáreje, statýs t.b.» (Hazireti Jálál ád-Dın Rýmı q.s.)
Hazireti Rýmı q.s. munda adamnyń ishki táýeldilikteri týraly aıtady. Kóp adam ózin dindarmyn dep oılaýy múmkin, biraq ózi baıqamaı basqa nárselerge «tabynady»:
- Ego (menmendik, ózimshildik) — adam ózin bárinen joǵary qoıýy, qateligin moıyndamaýy.
- Aqsha — ómirdiń basty maqsatyna aınalyp ketse, júrekti baılaıdy.
- Mártebe, ataq — adamdardyń maqtaýy men qoǵamdaǵy ornyn Qudaıdan joǵary qoıý.
Hazireti Rýmıdiń aıtýynsha, eger Alla bir adamdy shyn máninde týra jolǵa salǵysy kelse, sol adamnyń osy jalǵan tirekterin syndyrady. Bul kóbine: qıyndyq, joǵaltý, synaq nemese ómirdegi kúrt ózgeris arqyly bolady. Sol kezde adam buryn sengen nárseleriniń ýaqytsha ári álsiz ekenin túsinip, shyn tirek tek Alla ekenin sezinedi.
Qysqasha aıtqanda: syný — jaza emes, oıaný. Allanyń meıirimi keıde aýyr synaq túrinde kórinedi.
