TABÝ MEN JOǴALTÝ

06 qańtar 2025 542 0
Оqý rejımi

Kúnkórisiniń óte qıyndap ketkeni sonshalyq, jaryq kúnnen de lázzat ala almaıtyn jaǵdaıǵa jetken bir adam kópti kórgen qarııaǵa baryp óziniń múshkil halinen habar beredi. Qarııa onyń arqasyna úlken qap tańyp:

- Jolda kezdesken tastardyń bárin osyǵan terip sala ber. Tek basyńnan úlken bolyp ketpesin, - dep qoıa beredi.

Álgi adam jolynda kezdesken tastardy tere-tere, arqasyndaǵy júktiń aýyrlyǵynan shógip otyra ketedi. Qarııa onyń qasyna kelip:

- Neni sezindiń? - deıdi.

- Júrgen saıyn júgim aýyrlap alǵa jyljýdan qaldym.

- Mine, bul sen úshin naǵyz ǵıbrat alarlyq dúnıe. Sen ár kún saıyn kereksiz nárselermen óz kókiregińdi toltyrǵansyń. Seniń eńseńdi kótertpeı alǵa jyljytpaı qoıǵan solar, - deıdi qarııa.

- Ony jeńildetýdiń joly bar ma?

- Sen jaqsy qyzmet, mahabbat, otbasy, dostyq, aqsha, mánsap, ataq-abyroıyńnyń qaısysyn laqtyryp tastaǵyń keledi?

Jolaýshy únsiz qalady.

- Adam eki jaǵdaıda ǵana ózin jeńil sezinedi. Biri - ómirge jańa kelgen kezi, ol kezde seniń arqańdaǵy dorba bos. Ekinshisi - ómirden attanar kez, ol kezde sen arqańdaǵy qapty túgel bosatyp, tóńkerip tastap ketesiń.

Adamdar ómirde ózine tıesili kóp dúnıe, mal-múlik, baılyq, jer, bári-bári bolsa eken dep armandaıdy. Osylar bolsa ǵana baqytty, shat ómir súretin kisi sııaqty bop kórinedi. Biraq osyndaı dúnıeler kóbeıgen saıyn tynysy tarylyp, kótergen júgi aýyrlaı beredi. Kóńiline alań ornaıdy. Tek solardyń amandyǵy úshin ǵana qyzmet etip, solardy qorǵashtap qana bar ómiri ótedi.

Sondyqtan bárin tabarsyń ári bárin joǵaltarsyń, biraq, sonyń ishinen ózińe tıesili talǵamdy durys jasaı alsań, ol – naǵyz baqytty ómirdiń beınesi bolmaq, - depti dana qarııa.

Murat RAQYMJAN

 

 

Pіkіrler Kіrý