«Tahnık» jasaý náresteńizdi neden qorǵaıtynyn bilesiz be?

11 qańtar 2021 10511 0
Оqý rejımi

Ardaqty Alla Elshisinen (s.ǵ.s.) jetken súnnet amaldardyń qaı-qaısysyn alyp qarasaq ta, sansyz saýabymen qatar kúndelikti ómirimiz ben densaýlyǵymyzǵa tıgizer paıdasy shash-etekten ekenine taǵy da tańǵala túsemiz. Súnnetke súıengen musylmandar keıbir atqarǵan amaldary arqyly qandaı qaýiptiń betin qaıtarǵanyn ózderi bilmeı jatady. Sondaı súnnetterdiń biri retinde «tahnık» jasaýdy aıtsaq bolady.

«Tahnık» sózi qurmany shaınap, sonymen náresteniń tańdaıyn súrtý degendi bildiredi. Shaınalǵan qurmany saýsaqtyń ústine qoıyp, náresteniń aýzyna salyp, tańdaıyna jaǵyp, ysqylaıdy. Buharıdyń «Aqıqa» kitabynda Ábý Musanyń (r.a.) uly týylǵanda Alla Elshisiniń (s.ǵ.s.) oǵan Ibrahım dep at qoıǵandyǵy jáne náresteniń tańdaıyna qurmamen tahnık jasap, duǵa jasaǵandyǵy aıtylady.

Tahnık jasaý dástúrinde úlken paıda jasyrynǵan. Óıtkeni, qurmanyń quramyndaǵy nárli zattar sábı aǵzasynyń qalypty jumys isteýine jáne ımmýnıtetiniń nyǵaıýyna kómektesetini dáleldengen. Qurmamen tahnık jasaý, bul – eń paıdaly ekpe (prıvıvka) sekildi. Iaǵnı, ol polıomıelıt (julyn qabynýy), dıfterııa (juqpaly tamaq aýrýy), qyzylsha sekildi qaýipti dertterdiń aldyn alady.

Buǵan qosa, jaqynda ǵana Jańa Zelandııa ǵalymdary «tahnık» jasaýdyń taǵy bir qaterli aýrýdyń aldyn alatynyn dáleldep otyr. Zertteýshiler jańa týylǵan 242 sábıdiń tańdaıyn qurmamen súrtip, tahnık rásimin jasaı otyryp, tańǵalarlyq qorytyndyǵa kelgen. Náresteniń tańdaıyna jaǵylǵan glıýkozaǵa meılinshe baı qurma shyryny erte týǵan sábıdi mı zaqymdanýynan qorǵaıtyn bolyp shyqty.

Kúlli ǵalamǵa raqym nury bolyp túsken Alla Elshisiniń (s.ǵ.s.) árbir áreketi men sózi adamzat balasyna aqyret kúnine deıin ónege men úlginiń asyl jıyntyǵy bolyp qala bermek! Tek sol taǵylymdy súnnetterdiń sansyz saýaby men paıdasynan qur qalýdan saqtasyn!

Pіkіrler Kіrý