«ÁL-FARABI»: AIT MEREKESINDE ULTTYQ OIYNDARDAN SAIYS ÓTTI (FOTO)

17 maýsym 2024 454 0
Оqý rejımi

«Ábý Nasyr ál-Farabı» meshitindegi Qurban aıt merekesiniń jalǵasy dástúrli sporttyq sharalarǵa ulasty.

Jyl saıyn dástúrli túrde ótkizilip kele jatqan saıysqa meshit jamaǵaty ádettegideı belsene atsalysty. Meshitke merekelik minájat úshin kelgen qala qonaqtary qyzyqty ótken tartysty tamashalap, qatysýshylarǵa qoldaý bildirdi.

Halqymyzdyń qanyna sińgen ulttyq oıyndardy jańǵyrtý maqsatynda meshit aýlasyna jıylǵan jamaǵat arasynda «Arqan tartý», «Qol kúresi»,  «Asyq atý», «Gir tasyn kóterý» boıynsha ózara saıys ótti.

Aıt namazyna kelgen elordalyq jurtshylyq árbir atalymǵa jumyla qatysyp, Qurban aıt merekesiniń mereıin asyrdy. Merekelik saıys nátıjesinde «júzden júırik, myńnan tulpar» shyqqan úzdik jeńimpazdarǵa birinshi, ekinshi jáne úshinshi dárejeli dıplomdar men meshit ujymy atynan arnaıy ázirlengen syı-sııapattar tabystaldy.

Osylaısha, Qurban aıt meıramynyń qurmetine ótkizilgen ulttyq sport saıysy meshit jamaǵaty arasyndaǵy aýyzbirlik pen syılastyqty arttyryp, ózara yntymaqty kúsheıtýge taǵy bir sebep boldy.

6898b880 f7ec 47c1 868a 1c8118bf5cb6

6d7adbb1 8982 45d0 9460 2ea04d5b1073

88d419b7 fe80 479a aa1f 33f2539a6639

2063b80b 4692 46ab 9506 bf1b167b3d8d

6dbf335d b2fe 46bf 9f4d 54ad55a8fad7

Источник: Aidos

Pіkіrler Kіrý