«AQ MESHIT» MEShITI BALALARǴA QÝANYSh SYILADY (FOTO)

QMDB Astana qalasy ókildigine qarasty «Aq meshit» meshitiniń ujymy DTsP-men syrqattanǵan balalar oqıtyn mektepke arnaıy baryp, sonda tálim alyp jatqan kishkentaılarǵa qýanysh syılady.

Qulshylyq úıiniń bas ımamy Dáýren Músilimov bastaǵan ımam jáne ustazdar ózderimen birge balalarǵa bazarlyq ala keldi. Aýyldyń dámin sezinsin degen maqsatta qurt pen tátti sýsyndar usyndy. Dastarhan basynda balalarmen erkin suhbat júrgizip, qal-jaǵdaıynan habar aldy.

Artynsha ıgi shara tegin shashtaraz qyzmetimen jalǵasty. Barlyq balalardyń shashyn tegin alyp bere otyryp, ata-analar men tárbıeshilerdiń rızashylyǵyna ıe boldy.