ASTANA QALASYNYŃ BAS IMAMY TAǴAIYNDALDY

Búgin Bas múftı Naýryzbaı qajy Taǵanulynyń buıryǵymen Nurbek Esmaǵanbet Astana qalasynyń Bas ımamy bolyp taǵaıyndaldy.

Bas múftı buıryǵyn naıb múftı Sansyzbaı Shoqanov jamaǵatqa oqyp berip, osyǵan deıin Astana qalasynyń Bas ımamy qyzmetin atqarǵan Erbolat Júsipovke Naýryzbaı qajy Taǵanulynyń ıgi tilegi men iltıpatyn jetkizdi.

Sonymen qatar Bas múftı buıryǵymen Erbolat Nuryldauly Júsipov QMDB «Din men dástúr» bóliminiń meńgerýshisi qyzmetine taǵaıyndaldy.

Aıta ketsek, Nurbek Áýeshanuly osyǵan deıin QMDB “Din men dástúr” bóliminiń meńgerýshisi qyzmetin atqarǵan.

Nurbek Áýeshanuly Esmaǵanbet

Bilimi:
1997 jyly Almaty qalasyndaǵy Islam ınstıtýtyn támámdaǵan.
2013 jyly «Nur-Múbárak» Egıpet ıslam mádenıeti ýnıversıtetiniń magıstratýrasyn támamdaǵan.
2023 jyldan bastap L.N.Gýmılev atyndaǵy Eýrazııa ulttyq ýnıversıtetiniń doktoranty.

Eńbek joly:
1997-2007 jyldary Qaraǵandy oblysy Qarqaraly aýdanyndaǵy «Qunanbaı qajy» meshitiniń bas ımamy;
2007-2009 jyldary Almaty ortalyq meshitiniń naıb ımamy;
2009-2012 jyldary QMDB-nyń Atyraý oblysynyń Bas ımamy;
2012-2013 jyldary QMDB-nyń «Zeket» qorynyń atqarýshy dırektory;
2013-2018 jyldary Almaty qalasynyń Bas ımamy;
2018-2022 jyldary QMDB «Din isteri jáne taldaý» bóliminiń meńgerýshisi;
2022-2023 jyldary QMDB «Qoǵammen baılanys» bóliminiń meńgerýshisi;
2022 jyldyń aqpan aıynan bastap QMDB janyndaǵy "Aqsaqaldar keńesiniń" hatshysy.
2022 jyldyń naýryz aıynan bastap QMDB janyndaǵy "Sarapshylar keńesiniń" hatshysy.
2023 jyldyń 21 qyrkúıeginen bastap QMDB «Din men dástúr» bóliminiń meńgerýshisi qyzmetin atqardy.

Marapattary:
2005 jyly Qaraǵandy oblysy Qarqaraly aýdany ákiminiń «Qurmet gramotasymen», 2007 jyly Qaraǵandy oblysy ákiminiń «Qurmet gramotasymen» jáne osy jyly Qarqaraly aýdany ákiminiń «Alǵys hatymen» marapattalǵan. Sonymen qatar, 2011 jyly Atyraý oblysynyń ákiminiń «Alǵys hatymen» marapattalǵan.
Sondaı aq, «Qazaqstan halqy Assambleıasyna 20 jyl» merekelik medalimen;
«Qazaqstan Respýblıkasynyń táýelsizdigine 25 jyl» medalimen;
2015 j. «Eren eńbegi úshin» medalimen;
2018 j. Almaty qalasy ákiminiń «Alǵys hatymen»;
2020 jyly «QMDB 30 jyl» merekelik medalimen;
2025 jyly «QMDB 35 jyl» merekelik medalimen;
2025 jyly QR Premer-Mınıstriniń orynbasary – Mádenıet jáne aqparat mınıstri Aıda Ǵalymqyzy Balaeva atynan «Qurmet gramotasymen» marapattalǵan.

Otbasyly. Jubaıy, 8 perzenti bar.













 

​

Источник: Aisha