«Áziret Sultan» meshiti Onkologııa ortalyǵyndaǵy naýqastardy quttyqtady (FOTO)

Respýblıkalyq «Áziret Sultan» meshiti «Qurban aıtta qýandyr» jobasy aıasynda Astana qalasyndaǵy Onkologııa ortalyǵyndaǵy naýqastardy zııarat etip, qasıetti Qurban aıt merekesimen quttyqtap qaıtty. Bas meshittiń birinshi naıb ımamy Qanat Qydyrmın bastaǵan top ortalyqtaǵy ár naýqastyń bólmesine arnaıy bas suǵyp, ulyq mereke qurmetine oraı gúl shoqtary men táspi taratyp qaıtty.

Asyl dinimizde syrqat jannyń jaǵdaıyn surap, zııarat etip shyǵýdyń saýaby mol ekeni aıtylady. Osy ıgi dástúrdi qasıetti Qurban aıt merekesinde jańǵyrtyp, qamkóńil jandarǵa qýanysh syılaǵan meshit qyzmetkerlerine dárigerler qaýymy da dán rıza. Ortalyqtaǵy emdelýshilerge eń aldymen erteńge úmit-senim, aınalasyndaǵylardyń aq tilegi men qoldaýy óte qajet deıdi olar. Ortalyqtyń bas dárigeri Muhtar Esenjanuly bastaǵan aq halatty abzal jandar Bas meshitke alǵystaryn bildirip, «Qurban aıtta qýandyr» jobasynyń aldaǵy ýaqytta buqaralyq sıpat alyp, halyq arasynda jalǵasa berýin tiledi.

Sýretterdi «FOTOGALEREIa» aıdarynan kóre alasyzdar!