Bas meshitte Otbasy kúnine oraı merekelik kesh ótti (FOTO+VIDEO)
Elbasy N.Nazarbaevtyń jarlyǵymen 2013 jyldan bastap Otbasy kúni bolyp bekitilgen qyrkúıek aıynyń ekinshi jeksenbisinde elimizdiń túkpir-túkpirnde otbasylyq qundylyqtar dáriptelip, túrli mádenı-rýhanı sharalar kóptep uıymdastyrylady. QMDB Nur-Sultan qalasy ókildigi de birneshe jyldan beri Otbasy kúnine aıryqsha mańyz berip, «Mereıli Otbasy» merekelik sharasyn úzbeı ótkizip keledi.
Degenmen, bıylǵy jyly bul shara burynǵysynan da erekshe sıpat alyp, qatysýshylar úshin qyzyqty estelikterimen saqtalyp qaldy. QMDB tóraǵasynyń birinshi orynbasary, naıb múftı Naýryzbaı qajy Taǵanuly, akademık ǵalym Dıhan Qamzabekuly, Aqparat jáne qoǵamdyq damý vıtse-mınıstri Danııar Esın sekildi el aǵalarynyń ǵıbratqa toly nasıhattary jańadan shańyraq kótergen jastar úshin naǵyz rýhanı azyq boldy. Budan bólek, januıalyq máseleler sheshimi jınaqtalǵan arnaıy búktemeler men rýhanı kitaptar da kelýshiler úshin qajetti dúnıe boldy.
Aıta keteıik, «Mereıli otbasy» rýhanı kezdesý keshi bul jol «Áziret Sultan» meshitinde sońǵy bir jyl ishinde neke qıdyrǵan juptar ǵana arnaıy shaqyrylǵan bolatyn. Úlken ómirge alǵashqy qadamdaryn endi ǵana attaǵan jas januıalardyń birligin bekemdep, baqytqa jetý jolyn nusqaıtyn arnaıy ýaǵyz-nasıhat aıtylyp, tárbıelik dúnıeler kórsetýden bólek, shara aıasynda juptar arasynda utys oıyny júrgizilip, túrli baǵaly syılyqtar úlestirildi.
Otbasy qundylyqtary dáriptelgen merekelik shara aıasynda, budan bólek, ulttyq salt-dástúrimiz de kórinis taýyp, kópshiliktiń alǵysyna bólendi. Atap aıtqanda, naıb múftı Naýryzbaı qajy Taǵanuly jamaǵat aldynda jas náresteniń qulaǵyna azan shaqyryp, esimin qoıdy. Sondaı-aq, Elorda turǵyndary Qazbek pen Jumagúl esimdi juptyń nekesin qıyp, júzdegen jannyń aq batasymen úlken ómirge shyǵaryp saldy. Mereke kúnine oraı yrymdap, akademık ǵalym Dıhan Qamzabekulyna búldirshinniń tusaýyn kestirip, meshittiń eń egde jamaǵaty – Bátish apamyz batasyn berdi.
Ulttyq salt-dástúrimiz ulyqtalyp, otbasylyq qundylyqtar pash etilgen shara sońynda qatysýshylar arasynda utys oıynyn júrgizilip, júldeli syılyqtar taratyldy. Jas otaýǵa qajetti tehnıkalyq quraldar bastap, as úı jabdyqtaryna deıin úlestirilgen báıgeniń bas júldesi – «Moıyldy» shıpajaıyna joldama boldy.
Sýretterdi «FOTOGALEREIa» aıdarynan kóre alasyzdar!
